Gera má ráð fyrir að Eyjamenn hugsi hlýlega til Andra Marteinssonar og lærisveina hans í Haukum eftir úrslit kvöldsins. Hið ótrúlega gerðist, neðsta liðið, Haukar lagði Breiðablik að velli og það á sjálfum Kópavogsvellinum en þetta er fyrsti sigurleikur Hauka í sumar. Þetta eru klárlega óvæntustu úrslit það sem af er sumars og benda ótvírætt til þess að mikið sé eftir af Íslandsmótinu og óvænt úrslit eigi eftir að líta dagsins ljós í haust. Með sigri Hauka, halda Eyjamenn efsta sæti deildarinnar og eru ennþá með tveggja stiga forskot á Breiðablik.