Bæjarfulltrúar Sjálfstæðisflokksins sendu frá sér bókun á síðasta fundi bæjarstjórnar varðandi upplýsingar um stöðu fjárhagsaðstoðar Vestmannaeyjabæjar. En málið var tekið fyrir á fundi fjölskyldu- og tómstundaráðs. Bókunina má lesa hér að neðan.

Bæjarfulltrúar Sjálfstæðisflokksins fagnar þeim góða árangri sem teymið á fjölskyldu- og fræðslusviði Vestmannaeyjabæjar náði á síðasta ári við uppstokkun á kerfinu er snýr að fjárhagsaðstoð bæjarins. Niðurstöðurnar eru ekki aðeins góðar hvað fjárhaginn varðar, en kostnaður lækkaði um tæp 40% á milli ára eða úr rúmum 37 milljónum árið 2021 í rétt rúmar 20 milljónir 2022, heldur komust fjölmargir skjólstæðingar félagsþjónustunnar í mun hentugri úrræði.

Um er að ræða samstillt atvinnuátak sviðsins við HSU, Vinnumálastofnun og Virk.
Þennan góða árangur má taka til fyrirmyndar við áætlanagerðir í framtíðinni hjá Vestmannaeyjabæ, en án nokkurs vafa er hægt að taka til innan sviða, lágmarka kostnað og straumlínulaga þjónustu við bæjarbúa.