Stjórn SASS hefur fjallað um tillögur fagráðs atvinnu og nýsköpunar annars vegar og fagráðs menningar hins vegar um úthlutun verkefnastyrkja úr Uppbyggingasjóði

Suðurlands. Um er að ræða síðari úthlutun sjóðsins árið 2022. Umsóknir voru samtals 90, í flokki atvinnu- og nýsköpunarverkefna bárust 28 umsóknir og 62 í flokki menningarverkefna.

Að þessu sinni var 32,6 m.kr. úthlutað, 13,1 m.kr. í flokk atvinnu og nýsköpunar og 19,5 m.kr. í flokk menningar, til samtals 58 verkefna. Samþykkt var að veita 14 verkefnum styrk í flokki atvinnu og nýsköpunar og 44 verkefna í flokki menningarverkefna.

Hæsta styrkinn í flokki atvinnu og nýsköpunar hlaut að þessu sinni Langa ehf. fyrir verkefnið Afurðagerð og vörumerkjaþróun fyrir lífefnavinnslu að upphæð 2 m.kr., markmið verkefnisins er þróun á næringaríkum neytendavörum sem innihalda kollagen og önnur lífefni sem verða framleidd í nýrri verksmiðju í Vestmannaeyjum. Meðal annara verkefna frá Eyjum má nefna verkefnin “Veiðar á rauðátu við Suðurströndina” og “Bókviti”. Þá hlutu nokkur verkefni á á sviði menningar styrki “Listasmiðja Náttúrunnar með Gíslínu Dögg og Jónu Heiðu”, “Gömlu leikföngin”, “Tónlistarferðalagið frá Ungverjalandi til Vestmannaeyja”, “Part 2 Technology Upgrade of Natural History Collection”, “Minningatónleikar Vosa”, “50 ár frá Heimaeyjargosinu í tali og tónum”,

Lista yfir öll verkefni sem hlutu styrk má sjá hér.