Stór tíðindi urðu í lokatölum frá Suðurkjördæmi en þá tók Flokkur fólksins fram úr Sjálfstæðisflokknum. Flokkarnir fá tvo þingmenn hvor um sig en Flokkur fólksins fékk 121 atkvæði fleiri en Sjálfstæðisflokkurinn í kjördæminum. Það gerðist síðast í þingkosningunum árið 2009 að annar flokkur en Sjálfstæðisflokkurinn eða Framsóknarflokkurinn fengi flest atkvæði í Suðurkjördæmi en þá var Samfylkingin stærst, segir í umfjöllun Vísis um niðurstöðurnar.

Flokkur Fólksins fékk 20% atkvæða, Sjálfstæðisflokkur 19.6%. Samfylking 17,3% og Miðflokkur 13,6%. Framsókn var með 12% og Viðreisn 11,2% og fá þessi framboð sitt hvorn þingmanninn. Aðrir koma ekki mönnum að í kjördæminu.

Þetta eru kjörnir þingmenn kjördæmisins.

1. Ásthild­ur Lóa Þórs­dótt­ir (F)
2. Guðrún Haf­steins­dótt­ir (D)
3. Víðir Reyn­is­son (S)
4. Karl Gauti Hjaltason (M)
5. Halla Hrund Loga­dótt­ir (B)
6. Guðbrand­ur Ein­ars­son (C)
7. Sigurður Helgi Pálmason (F)
8. Vil­hjálm­ur Árna­son (D)
9. Ása Berg­lind Hjálm­ars­dótt­ir (S)
10. Sigurður Ingi Jóhannsson (B)