Í dag, föstudag kl. 16.00 fer fram uppboð á óskilamunum við lögreglustöðina og er uppboðið auglýst í þessu blaði. Fréttum lék forvitni á að vita hvað þarna væri verið að bjóða upp og tók sýslumanninm Karl Gauta Hjaltason tali. (meira…)
Margrét Lára Viðarsdóttir framherji íslenska landsliðsins var markahæsti leikmaður Evrópumóts kvennalandsliða sem lauk með úrslitaleik Englands og Þýskalands í dag, þrátt fyrir að henni hafi ekki tekist að skora á lokamótinu. Margrét Lára skoraði í heildina 12 mörk í undankeppninni og það dugði henni til að vera markahæsti leikmaður mótsins. (meira…)
Þær verða ekki vestmannaeyskari skemmtanirnar í Eyjum en lundaböllin sem haldin eru á haustin. Félög bjargveiðimanna skiptast á um að halda ballið og nú er komið að Suðureyingum. Verður ballið í Höllinni 26. september og þar verður boðið upp á skemmtiatriði á heimsmælikvarða, matseðillinn er fjölbreyttur og þar er lundinn eðlilega efst á blaði. (meira…)
Þau Gréta Grétarsdóttir og Heiðar Hinriksson, sem eiga verslunina Eyjavík, hafa nú flutt sig um set. Um nokkurt skeið hefur verslunin verið við Vestmannabrautina, í gömlu skóbúðinni, gegnt gamla apótekinu. En um síðustu mánaðamót fluttu þau verslunina að Skólavegi 13, þar sem margar verslanir hafa verið gegnum tíðina, síðast Ullarblóm. Gréta segir að þetta sé […]
Forsvarsmenn Skipalyftunnar höfðu samband við ritstjórn Eyjafrétta.is vegna fréttar um málefni nýrrar skipalyftu sem birtist á vefnum í gær og var tekin af forsíðu Frétta. Þeir vildu koma eftirfarandi á framfæri. (meira…)
Spánarsnigill er kominn til Vestmannaeyja en hann nam land á Íslandi árið 2003. Spánarsnigillinn er enginn aufúsugestur því hann er hinn mesti skaðvaldur á gróðri, stór og gráðugur. Kristján Egilsson, forstöðumaður Náttúrugripasafnsins, sagði að snigillinn hefði fundist á sólpalli við hús við Heiðarveg. (meira…)
Í síðustu viku funduðu fulltrúar bæjarins með hagsmunaaðilum vegna endurbyggingar upptökumannvirkja við Skipalyftuna. Seinni fundurinn var með þjónustuaðilum en þrjár hugmyndir eru uppi um stærð lyftunnar og er áætlaður kostnaður við þær frá 250 milljónum upp í 600 milljónir. Dýrari kostirnir þýða stærri lyftu sem gæti tekið upp stærri skip. (meira…)
Næsta mánudag mun Breiðafjarðaferjan Baldur leysa Herjólf af hólmi í siglingum milli lands og Eyja en Herjólfur er á leið í slipp þar sem meðal annars á að laga annan af tveimur veltiuggum skipsins sem skemmdist fyrir tæpu ári síðan. Baldur siglir í Breiðafirði, milli Stykkishólms og Brjánslækjar með viðkomu í Flatey. Skipið er 1370 […]
Veiðum úr norsk-íslenska síldarstofninum fer senn að ljúka þar sem skipin eru um það bil að klára kvóta sína. Einhver eru þegar búin, önnur í síðustu veiðiferð og nokkur eiga eitthvað meira eftir. Engin verkefni blasa við skipunum í bráð, að lokinni síldarvertíðinni, því líklega verða engar haustveiðar úr íslenska sumargots-síldarstofninum vegna sýkingar í stofninum […]
Stjórn Sparisjóðs Vestmannaeyja hefur staðfest árshlutareikning sjóðsins fyrir tímabilið 1. janúar – 30. júní 2009. Helstu niðurstöður rekstrarreiknings eru: Hreinar vaxtatekjur eru 205,5 mkr., hreinar þjónustutekjur eru 46,7 mkr. og aðrar tekjur eru 40,1 mkr. Hreinar rekstrartekjur eru samtals 292,3 mkr. Almennur rekstrarkostnaður með afskriftum er 197,2 mkr. Virðisrýrnun eigna reiknast 91,7 mkr. Hagnaður fyrir […]
