Sandra Dís Sigurðardóttir er ein sjómannskvenna sem Eyjafréttir ræddu við í Sjómannadagsblaðinu.

Aldur? 28 ára.

Atvinna? Er að útskrifast með Bsc í iðjuþjálfunarfræði núna í júní og fer síðan í starfsréttindanámið í haust til að geta starfað sem iðjuþjálfi. Byrjaði í febrúar 2024 að vinna aðeins með náminu á Bjarginu dagdvöl.

Fjölskylda? Halldór Friðrik Alfreðsson 27 ára og Sóldís Unnur sem verður 3 ára í ágúst.

Hversu lengi hefur þú verið sjómannsfrú? Síðan 2020.

Á hvaða skipi er maki þinn? Hann er á Gullberg VE 292.

Kynnist þið þegar maki er á sjó? Já.

Hefur maki þinn alla ykkar tíð verið á sjó? Já.

Hvernig hefur gengið að samræma sjómennsku og fjölskyldulíf? Bara vel, við erum svo ótrúlega heppin með fjölskylduna okkar sem aðstoða okkur þegar Halldór er á sjó. Svo þegar hann er heima þá nýtum við tímann í að gera eitthvað saman fjölskyldan.

Helstu kostir sjómennskunnar? Kostirnir eru að hann fær góð frí inn á milli sem við nýtum þá í að ferðast, eða gera eitthvað skemmtilegt saman.

Helstu gallar sjómennskunnar? Gallinn er sá að þetta geta verið langir túrar inn á milli og stutt stopp.

Eruð þið með hefð um sjómannahelgina? Nei ekkert sérstakt.

Eitthvað að lokum? Ég vil óska sjómönnum og fjölskyldum þeirra til hamingju með daginn.