Á fundi bæjarráðs Vestmannaeyja í dag, lá fyrir erindi frá innanríkisráðuneytinu dags. 21. október þar sem ráðuneytið vísar til viðræðna undanfarinna mánaða um hvernig megi bæta samgöngur milli lands og Eyja, einkum yfir vetrarmánuðina.

Bæjarráð harmar þá niðurstöðu Siglingastofnunar að ekki skuli unnt að fá undanþágu fyrir Baldur til siglinga í Landeyjahöfn. Í undirbúningi málsins kom fram að skipstjóri á Baldri teldi að ölduviðmið fyrir það skip í Landeyjahöfn væri á bilinu 3 til 3,3 metrar sem strax væri til verulegra bóta þegar litið er til þess að siglingar Herjólfs miða að öllu jöfnu við 2,5 metra. Í skýrslu sem unnin var fyrir Siglingastofnun af Vilberg Magna �?skarssyni, skólastjóra Skipstjórnarskóla Tækniskólans segir: Skipstjóri Baldurs telur að skip eins og Baldur, eða skip af þeirri stærð, henti mun betur til þessara siglinga heldur en Herjólfur. Baldur rási ekki á lensi, vegna byggingarlags hans. �?á telur hann að minna skip sé ekki endilega viðkvæmara fyrir öldunni. Segir hann þá hafa miðað við þriggja metra ölduhæð við siglingar til hafnarinnar á Baldri og það viðmið mætti eflaust hækka á betur útbúnu skipi sem hefði t.d. öflugri hliðarskrúfu og stefni sem ekki væri eins flatt og á Baldri. Telur skipstjóri Baldurs að gera ætti frekari prófanir með skipi eins og Baldri á þessari siglingaleið og fá þannig reynslu til að meta hvernig skip henti best til þessara siglinga.

Bæjarráð hefur á seinustu árum verið með skipamiðlara í vinnu við að leita að heppilegu skipi til siglinga í Landeyjahöfn. �?að hefur ekki skilað árangri. Á sama tíma hafa Innanríkisráðuneytið, Siglingastofnun, Vegagerð og Eimskip leitað að heppilegu skipi til þessara siglinga en það hefur ekki heldur skilað árangri.

Með fyrirliggjandi erindi telur bæjarráð Vestmannaeyja það fullreynt að finna notað skip til siglinga í Landeyjahöfn.

Bæjarráð samþykkir því eftirfarandi:

a. Bæjarstjóri skal leita samráðs við Fjársýslu ríkisins og Eimskip um að samgöngur verði svo góðar yfir vetrartímann sem verða má. Allt kapp skal lagt á að nýta Landeyjahöfn svo mikið sem verða má þó svo fremi að siglingar milli lands og Eyja falli eins sjaldan niður og mögulegt er.

b. Bæjarráð velkist ekki í vafa um að hægt er að breyta Landeyjahöfn og gera hana heppilegri til siglinga. Dæmin með �?orlákshöfn, Höfn í Hornafirði, Grindavík og fleiri hafnir sýna það. �?essi sömu dæmi sýna hinsvegar að þróun hafna tekur langan tíma. Nú þegar hefur ýmislegt verið gert svo sem flutningur á Markarfljóti til austurs, nýr radar sem veitir skipstjórum mikilvægar upplýsingar um strauma, bætt verklag við dýpkun og fl. Áfram þarf að halda með þróun hafnarinnar og þær breytingar gerðar sem nauðsynlegar eru. �?annig hafa skipstjórar bent á að koma þurfi upp “tunnum” samskonar og á enda suður varnargarðs í �?orlákshöfn, á enda hafnargarðanna. Sérstaklega þarf að horfa til þess að veita sæförum aukið skjól fyrir öldum.

c. Nú þegar fullreynt er að finna heppilegt skip til siglinga í Landeyjahöfn og fyrir liggur að allar stórvægilegar breytingar á Landeyjahöfn liggja fjærri í tíma hvetur bæjarráð innanríkisráðherra til að ráðast nú þegar í útboð á nýrri ferju til siglinga í Landeyjahöfn. Sú ferja þarf að bera fleiri bíla en núverandi Herjólfur, ráða við að lágmarki 3,5 metra ölduhæð við Landeyjahöfn og vera búin til siglinga í �?orlákshöfn.