Gandí VE 171, nýtt skip Vinnslustöðvarinnar í Vestmannaeyjum kom til heimahafnar í fyrsta sinn í kvöld. Um er að ræða vinnsluskip á bæði uppsjávarafla og grálúðu en einnig er hægt að gera skipið út á ísfisk. Talsverður fjöldi fólks tók á móti hinu nýja skipi Vinnslustöðvarinnar í kvöld. Skipið er 57 metra langt, 13 metra breitt og aðalvélin er 3300 hestöfl. Frystigeta um borð á uppsjávarfiski er 100 tonn. Skipið var smíðað 1986 en mikið endurnýjað 2006 og er í góðu standi. Skipið hét áður Rex HF 24 og var í eigu Sjávarblóms í Hafnarfirði.