Hausttónleikar Lúðrasveit Vestmannaeyja

Árlegir hausttónleikar Lúðrasveitar Vestmannaeyja fara fram í Hvítasunnukirkjunni laugardaginn 11.nóvember kl.16:00. Allt verður þar með hefðbundnu sniði hvað varðar efnistök og framkvæmd. Á efnisskránni er að vanda fjölbreytt úrval verka úr ýmsum áttum og það sama má reyndar segja um félaga sveitarinnar, en þeir eru að vanda alls kyns og úr ýmsum áttum.

Miðaverð er 2500 kr. og eru miðar seldir við innganginn. Frítt er fyrir börn (yngri en 18 ára).

Hefð er fyrir því að styrktarfélagar greiði ekki aðgangseyri að þessum tónleikum og er sami háttur á núna. Styrktarfélag Lúðrasveitar Vestmannaeyja er skipað styrktarmeðlimum sem árlega greiða ákveðið gjald til lúðrasveitarinnar. Gjaldið er nú 4000 kr. Fjöldi manns í Vestmannaeyjum og reyndar á fasta landinu líka, styrkja árlega starf Lúðrasveitarinnar með þessu fjárframlagi. Er einstakt að finna þann stuðning frá almenningi svo ekki sé talað um hvað það gerir fjárhag svo lítils félags að eiga slíkan stuðning að.

Sem þakklætisvott fá styrktarfélagar miða fyrir tvo á árlega hausttónleika sveitarinnar. Hægt er að gerast styrktarmeðlimur með því að hafa samband við formann Lúðrasveitarinnar, eða aðra meðlimi. Best er að senda upplýsingar með nafni, kennitölu og heimilisfangi á netfangið olisnorra12@gmail.com.

Það er vert að minnast einnig á stuðning fyrirtækja og bæjaryfirvalda við sveitina í gegn um tíðina. Árlega óskum við eftir styrkjum frá nokkrum fyrirtækjum í Vestmannaeyjum og er okkur alltaf vel tekið í þeim umleitunum. Einnig hefur Vestmannaeyjabær staðið þétt við bakið á Lúðrasveitinni í formi styrks og aðstöðu. Það er ekki sjálfgefið að reka lúðrasveit í bæjarfélagi sem okkar, en þéttur stuðningur samfélagsins gerir það mögulegt og fyrir þann stuðning erum við þakklát.

Um leið og við þökkum stuðninginn undanfarna áratugi, bjóðum við ykkur til þessarar tónlistarveislu í Hvítasunnukirkjunni. Vonumst við til að sjá sem flesta og minnum á að hægt er að gerast styrktarmeðlimur við innganginn, eða með tölvupósti á ofangreint netfang.

Lúðrasveit Vestmannaeyja

Nýjustu fréttir

Aðsent
Hörku skákmót hjá TV á skírdag
Áhugavert
Tjaldurinn meðal vorboða í Eyjum
Bæjarmálin
Bæta á aðgengi og fjölga bílastæðum við Kirkjugerði
Íþróttir
ÍBV semur við serbneskan framherja
Vestmannaeyjabær
Metár og hagnaður langt yfir áætlun
Úr blaði Eyjafrétta
Jón Óli á sínu þriðja ári með konurnar 
Íþróttir
Elliði Snær og Elmar í eldlínunni í Þýskalandi
Fréttatilkynning
Páskaeggjaleit Sjálfstæðisflokksins
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.