Herjólfur mun sigla til Þorlákshafnar í fyrri ferð dagsins þar sem ófært er til Landeyjahafnar vegna mikillar ölduhæðar. Brottför frá Vestmannaeyjum verður kl. 07:00 og brottför frá Þorlákshöfn kl. 10:45. Þetta kemur fram í tilkynningu frá Herjólfi ohf.

Þar segir jafnframt að ferðirnar kl. 08:15, 09:30, 12:00, 13:15, 14:30 og 15:45 falla því niður. Farþegar sem hyggjast nýta gistirými ferjunnar eru vinsamlegast minntir á að koma með eigin búnað.

Á þessum árstíma er ávallt hætta á breytingum á milli hafna, og því er ekki ráðlegt að skilja eftir farartæki í annarri hvorri höfninni. Varðandi siglingar síðdegis verður gefin út tilkynning fyrir kl. 15:00.