Hvað er að vera Sjálfstæðismaður?
Hannes Kristinn Sigurðsson

Aðsend grein

Hannes Kristinn Sigurðsson

Að vera sjálfstæðismaður er, að mínu mati, fyrst og fremst að trúa á frelsi einstaklingsins og ábyrgðina sem því fylgir. Sú trú hefur mótað mína sýn og verið leiðarljós í minni þátttöku í stjórnmálum.

Undanfarin fjögur ár hef ég gengt ýmsum trúnaðarstörfum, meðal annars sem nefndarmaður í framkvæmda- og hafnarráði og setið í stjórn Sjálfstæðisflokksins. Sú reynsla hefur verið bæði krefjandi en jafnframt afar gefandi og styrkt mig í þeirri sannfæringu að virk þátttaka skiptir máli.

Að vera hluti af Sjálfstæðisflokknum finnst mér gefandi vegna þess að þar mætast skýr grunngildi og virðing fyrir ólíkum skoðunum. Fyrir mér vegur þyngst frelsi og trú á einstaklinginn, trúin á að allir sem vilja geti,  allir séu velkomnir. Að öllum sé frjálst að fara, en að það sé betra að vera, standa með sjálfum sér, sínum skoðunum og taka þátt í uppbyggilegu samtali.

Ég trúi á skoðanaskipti, samvinnu og það að vinna saman að betri Vestmannaeyjum.

Prófkjör er að mínu mati ein besta leiðin til að velja framboðslista, lýðræðislegt og gegnsætt ferli þar sem valið fer ekki fram við kaffiborðið heima, heldur meðal fólksins sjálfs. Í Sjálfstæðisflokkinn hafa allir með lögheimili í Vestmannaeyjum frelsi til að skrá sig, taka þátt og hafa áhrif á þann lista sem flokkurinn býður fram.

Ég hef því ákveðið að bjóða mig fram í prófkjöri Sjálfstæðisflokksins í 4. – 5. sæti fyrir komandi sveitarstjórnarkosningar.

Ég óska eftir ykkar stuðning og hvet ég ykkur öll til að taka þátt, hvort sem er með framboði eða með því að nýta kosningaréttinn í prófkjörinu.

Áfram ég, þú og frelsið.

 

Hannes Kristinn Sigurðsson

Frambjóðandi í prófkjöri Sjálfstæðisflokksins í Vestmannaeyjum

 

Nýjustu fréttir

Íþróttir
Arnar kom íslenska landsliðinu á EM 2026
Íþróttir
ÍBV og FH skildu jöfn á Hásteinsvelli
Vinnslustöðin
Vinnslustöðin snýr vörn í sókn á krefjandi ári
Herjólfur
Bilun í Herjólfi veldur lengri siglingatíma
Stjórnmál
Spurt og svarað: Guðni Hjöll frá Miðflokknum
Íþróttir
ÍBV hefur leik í Bestu deildinni – tekur á móti FH á Hásteinsvelli
Fréttir
Flugvél frá Icelandair flaug óvenju lágt yfir Eyjum
Samgöngur
Lækkandi ölduhæð og Álfsnesið á leiðinni
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.