Fjórtándu umferð Lengjudeildar karla lýkur í dag með leik Þórs og ÍBV. Leikið er á Akureyri. Eyjamenn geta með sigri í dag komist upp í annað sæti deildarinnar, en liðið er með 22 stig í þriðja sæti. Þórsarar eru í sjöunda sæti með 17 stig.

Fyrri viðureign þessara liða endaði með 1-1 jafntefli. Flautað er til leiks klukkan 15.00 á Vís-vellinum í dag. Hægt verður að sjá streymi frá leiknum á leingjudeildin.is. Þess má geta að leikurinn verður sýndur í Týsheimilinu og stendur til að skapa góða stemmingu þar sem fírað verður upp í grillinu og verður að sjálfsögðu eitthvað kalt að drekka með á sérkjörum.