Jóna Sigríður Guðmundsdóttir hefur ákveðið að gefa ekki kost á sér á lista bæjarmálafélagsins Fyrir Heimaey í komandi sveitarstjórnarkosningum í Vestmannaeyjum. Hún hefur setið í bæjarstjórn undanfarin átta ár og segist ganga sátt frá borði, þakklát fyrir traustið og reynsluna sem starfið hefur fært henni.

Jóna Sigríður tilkynnti þetta á samfélagsmiðlum í morgun:

Kæru vinir,
Ég hef tekið þá ákvörðun að gefa ekki kost á mér á lista bæjarmálafélagsins Fyrir Heimaey fyrir næstu sveitarstjórnarkosningar. Ég hef setið í bæjarstjórn síðastliðin átta ár og geng sátt frá borði reynslunni ríkari. Á þessum tíma hef ég kynnst mörgu góðu fólki sem hefur unnið ötullega fyrir samfélagið okkar. Ég er afar þakklát fyrir það traust sem mér hefur verið sýnt og að hafa fengið tækifæri til að gera samfélagið okkar betra.
Takk fyrir!