Komin yfir 100 verkefni, "með því verra sem við höfum fengist við"

“Þetta er svona með því verra sem við höfum fengist við,” sagði Arnór Arnórsson í samtali við Eyjafréttir. “Reynslu boltarnir eru að bera þetta saman við veðrið 1991 en það voru ekki svona nákvæmar skráningar eins og núna. Þannig það er erfitt að segja.”

Útköll björgunarsveitarinnar eru komin yfir eitt hundrað og en þau hafa staðið yfir frá því 16.30 í gær og þangað til í morgunsárið. “Þetta er búið að vera stanslaust í alla nótt, við höfum ekki fengið miklar pásur. Það hefur verið mikið um dýr og leiðinleg tjón. Mikið um þakplötur og klæðningar sem hafa líka verið að skemma út frá sér. Þó nokkuð um garðhýsi á flandri eða þá að þau hafa einfaldlega splundrast. Þó svo að veðrið hafi aðeins lagast þegar leið á nóttina voru alltaf að koma leiðinlegar hviður.”

 

Allir meðlimir í Björgunarfélagi Vestmannaeyja vinna í sjálfboðavinnu. “Allir mæta skilningi hjá sýnum vinnuveitanda en flestir eru verða fyrir vinnutapi þegar útkall er á vinnutíma. Við erum en sjö í húsinu. Ég vill þakka Ingimar kærlega fyrir aðstoðina hann hjálpaði okkur með tæki í rúmlega 10 verkefnum, Kári í Kránni og Svenna á Kletti sáu til þess að enginn varð svangur á vaktinni. Við viljum líka þakka bæjarbúum fyrir þolinmæði sem þeir sýndu og eins það að flestir voru ágætlega undirbúnir. Það var ekki mikið um ruslatunnur væru að fjúka eða önnur sem mál sem hefði mátt fyrirbyggja. Sem betur fer urðu engin slys á mannskapnum en ansi margir fóru þreyttir heim,” sagði Arnór að lokum.

Björgunarfélagið sendi frá sér eftirfarandi póst í nótt

Hér eru svo nokkrar myndir sem Óskar Pétur tók í nótt.

Nýjustu fréttir

Íþróttir
Halldór Jón aftur í ÍBV
Myndband
Fluttu hús í heilu lagi
Sjávarútvegur
Sjáv­ar­af­urð­ir: Ágæt­is aukn­ing í fe­brú­ar
Sjávarútvegur
Eyjarnar landa í Þorlákshöfn
Aðsend grein
Þarftu að fara á fund?
Kynning
Hljómey – Klara Einars mætir
Aðsend grein
Gildin sem móta okkur
Aðsend grein
Til Sjálfstæðismanna
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.