Eftir góðan dag í gær þegar ÍBV varð Íslandsmeistari í handbolta karla er það góð viðbót að Eyjamenn höfðu betur gegn HK á Hásteinsvelli í dag 3:0. Kærkominn sigur eftir fimm tapleiki í röð.

Þar með er ÍBV með níu stig og hoppar úr fallsæti í það níunda. Mörk ÍBV skoruðu Sverrir Páll Hjaltested, Eyþór Daði Kjartansson og Felix Örn Friðriksson.

Það sem skyggir á að konurnar töpuðu 1:2 gegn Tindastóli á heimavelli í gær

Aðstæður voru góður en nú liggur þykk þoka yfir Vestmannaeyjum eins og sést á þessari mynd sem Sigfús Gunnar tók.