Norski bakvörðurinn í liði Keflavíkur, Endre Ove Brenne var borinn af leikvelli í kvöld þegar ÍBV og Keflavík áttust við á Hásteinsvelli. Brenne og Víðir Þorvarðarson, leikmaður ÍBV skullu harkalega saman með höfuðin þannig að báðir lágu sárir á eftir. Báðir fengu þeir skurði en Víðir slapp betur frá árekstrinum. Norðmaðurinn var hins vegar fluttur á sjúkrahús með sjúkrabíl en var mættur aftur á Hásteinsvöll áður en leik lauk, með fjögur spor í enninu.