Eftir siglingu Herjólfs til Landeyjahafnar í morgun er ljóst að dýpi í höfninni er of lítið til að hægt sé að halda uppi siglingum til og frá Landeyjahöfn nema við kjöraðstæður. Á myndinni hér fyrir neðan sést dýpið í höfninni. Herjólfur mun því sigla til Þorlákshafnar þar til annað verður tilkynnt.

Brottför frá Vestmannaeyjum verður kl. 07:00 og 16:00 og brottför frá Þorlákshöfn kl. 10:45 og 19:45. Aðrar ferðir falla niður.

Herjólfur stefnir á að sigla til Þorlákshafnar í fyrramálið samkvæmt áætlun, en farþegar sem hyggjast ferðast seinnipartinn á morgun eða fyrripart föstudags eru beðnir um að hafa í huga að aðstæður til siglinga til og frá Þorlákshöfn eru almennt ekki hagstæðar samkvæmt veður- og ölduspá. Farþegar eru því hvattir til að ferðast fyrr frekar en seinna, ef þeir hafa tök á, segir í tilkynningu frá skipafélaginu.