Lykil að lausninni er að finna í Vestmannaeyjum
Öflugur hópur kennara GRV sem hafa lagt sitt af mörkum til að Neistinn náði fluginu. Mynd Óskar Pétur.

Menntakerfi í basli – Hrakleg útkoma í Pisakönnunum – Verri líðan

Er íslenska skólakerfið komið að fótum fram? Þannig er umræðan á Íslandi í ágúst 2025 þegar skólabjallan glymur í eyrum tuga þúsunda nemenda á öllum skólastigum. Flestir eru sammála um að margt þurfi að bæta en svo rennur umræðan sitt skeið. Allt í blóma þangað til næsta Pisakönnun læðist að okkur eins og djúp lægð sunnan úr höfum. Jú, ekki gott að skrapa botninn í alþjóðlegum samanburði en er ekki eitthvað skrýtið við þessa Pisa könnun?

Þannig byrjar formáli Ómars Garðarssonar, ritstjóra að ýtarlegri umfjöllun um skólamál í Vestmannaeyjum í blaði Eyjafrétta sem kemur út á fimmtudaginn. Þar er þróunarverkefnið Kveikjum neistann þungamiðjan. Verkefni sem hófst árið 2021 í Grunnskóla Vestmannaeyja og verða nemendur sem þá hófu nám í fimmta bekk í vetur.

Ótrúlega flottir krakkar

Niðurstaða yfirferðar Eyjafrétta er að í Kveikjum neistann er að finna lausn á öllum þeim vandamálum sem menntakerfið íslenska stendur frammi fyrir í dag. Skilar krökkum, jafnt stelpum og strákum sem kunna að lesa. Lesskilningur yfir 90 prósent og geri aðrir betur.

„Ég er mjög stolt af þessum árgangi sem er einstakur og skemmtilegt að fylgjast með þeim. Það merkja líka margir sem hafa kynnst þeim, finna gróskuhugarfarið sem er svo einkennandi. Hafa meiri trú á sér, seiglu og vilja til að gera vel. Hingað hefur komið fólk og unnið með þeim í öðrum verkefnum og segja þau einstök. Það er gaman að heyra. Eru tilbúin í allt, ánægð í skólanum og eiga fleiri vini. Ótrúlega flottir krakkar,“ segir Anna Rós Hallgrímsdóttir annar skólastjóri GRV. Hún og Einar Gunnarsson hinn skólastjóri GRV eru í mjög ítarlegu viðtali blaðinu ásamt mörgum öðrum.

Hér má gerast áskrifandi að Eyjafréttum.

Nýjustu fréttir

Íþróttir
Þrjú lið frá ÍBV í bikarúrslitum um helgina
Áhugavert
Strangar hæfiskröfur í útboði heilsuræktar
Fréttatilkynning
Ísfélagið áfram einn af aðalstyrktaraðilum KFS
Sjávarútvegur
Útflutningsverðmæti sjávarafurða um 360 milljarðar
Sjávarútvegur
Eyjarnar lönduðu fullfermi í Eyjum um helgina
Umræðan
Vestmannaeyjar – Alveg milljón
Aðsend grein
Kæru Eyjamenn, kæru sjálfstæðismenn
Vinnslustöðin
Drangavík VE dregin til hafnar eftir að veiðarfæri fóru í skrúfu – uppfært
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.