Eyjamenn máttu ganga svekktir af velli eftir 3:2 tap gegn KR. Magnús Þórisson dæmdi þrjár vítaspyrnur á ÍBV, tvær þeirra voru í besta falli vafasamar og sú þriðja var ekkert annað en rangur dómur. Eyjamenn lentu 2:0 undir en náðu að jafna í seinni hálfleik. KR-ingar fengu þriðju vítaspyrnuna í síðari hálfleik og í uppbótartíma fengu Eyjamenn loksins víti, sem var líklega eini rétti vítaspyrnudómurinn í leiknum. Matt Garner klikkaði hins vegar á ögurstundu og KR-ingar fögnuðu ósanngjörnum sigri.