Klukkan 13.00 í dag höfðu 18,6% kjörgengra íbúa í Vestmannaeyjum mætt á kjörstað í Barnaskóla Vestmannaeyja.

Er það mun meiri kjörsókn en á sama tíma í forsetakosningunum fyrir fjórum árum. Þá höfðu 387 manns kosið (12,5%) á móti 575 nú, sam­kvæmt upp­lýs­ing­um frá yfir­kjör­stjórn í Vestmannaeyjum.

Á kjörskrá eru 3.092, en til samanburðar voru á kjörskrá fyrir fjórum árum 3.106. Kjörfundur er í Barnaskólanum og stendur hann til klukkan 22.00 í kvöld.