- Eyjafréttir
- ·
- Sjávarútvegur, Úr blaði Eyjafrétta
- ·
Tryggja vátryggingamiðlun, elsta miðlun landsins sem hefur starfað í 30 ár, sérhæfir sig í heilsutryggingum og sértækum sjómannatryggingum. Verkefnastjóri heilsutrygginga hjá Tryggja, Agnes Hildur Hlöðversdóttir, segir mikilvægt að sjómenn hafi öflugar tryggingar sem taka tillit til áhættu sem fylgir starfi á sjó.
Hvað eru sjómannatryggingar?
Aðspurð segir Agnes að sjómannatryggingar séu sérsniðnar tryggingar fyrir þá sem starfa á sjó, hvort sem það eru atvinnusjómenn, fiskimenn eða aðrir sem vinna til sjós. Starfið geti verið hættulegt og því sé mikilvægt að tryggingarnar standi undir sínu, enda sé algengt að alvarleg slys eða veikindi tengist störfum á sjó.
Hún útskýrir að helsti munurinn á almennum tryggingum og sértækum sjómannatryggingum sé að sjómannatryggingar taki mið af þeim aðstæðum sem sjómenn búa við. Þetta felur meðal annars í sér bætur við slys á sjó, örorku, veikindi, tekjutap og endurhæfingu.
Geti haft gríðarleg áhrif á heimilisbókhaldið
Agnes bendir á að oft gleymist eða vanmetist tekjutapið og langvarandi veikindi. Margir einblíni á slysa- og líftryggingar, sem séu auðvitað mikilvægar, en ef maður missi vinnu vegna veikinda eða slyss án tekjutryggingar geti það haft gríðarleg áhrif á heimilisbókhaldið. Tryggja leggur mikla áherslu á að tryggja þessa þætti líka, sérstaklega fyrir fjölskyldufólk.
Ef sjómaður vill tryggja sig hjá Tryggja, segir Agnes að ferlið byrji á því að farið sé yfir aðstæður viðkomandi – hvar hann vinnur, hvað hann er að gera og hvort hann sé sjálfstæður eða á launaskrá. Þetta sé einfalt og fljótlegt að ganga frá í síma, en ráðgjafar Tryggja taka einnig vel á móti þeim sem kjósa að hitta ráðgjafa persónulega.
Hver á rétt á sjómannatryggingum?
Agnes segir að rétt sé að allir sem starfi á sjó – hvort sem það er á fiskiskipum, í ferðaþjónustu, vöruflutningum eða öðrum störfum – geti nýtt sér sjómannatryggingar. Tryggja hafi einnig séð aukningu í eftirspurn eftir þessum tryggingum, þar sem fólk sé orðið meðvitaðra um mikilvægi þess að vera rétt tryggt. Reynslan sýni að þegar einn sjómaður hafi góða reynslu af tryggingum hjá Tryggja, fylgi oft annar í kjölfarið.
Að lokum hvetur Agnes sjómenn til að bíða ekki með að skoða tryggingarnar sínar. Hún segir að það kosti ekkert að fá ráðgjöf og að Tryggja taki alltaf vel á móti fólki, til að tryggja að það og fjölskylda þess sé örugg – bæði á sjó og landi.
