Möguleikinn liggur á heimavelli

Í dag, fimmtudaginn 12. júlí kl. 18.00 fer fram stærsti leikur ÍBV síðastliðin fimm ár í Vestmannaeyjum eða allt síðan félagið mætti Rauðu Stjörnunni frá Serbíu árið 2013. Þá mætir Sarpsborg08 frá Noregi á Hásteinsvöll í fyrstu umferð, undankeppni UEFA Evrópudeildarinnar.

Varnarmaðurinn Orri Sigurður Ómarsson fyrrum leikmaður Vals gekk í raðir Sarpsborg08 í janúar og var lánaður strax til HamKam en er nú kom úr láni til Sarpsborg nú í byrjun júlí.

Þetta mun vera fyrsti evrópuleikur Sarpsborg08 frá stofnun félagsins 2008 og er því búist við að vel á annað hundrað stuðningsmanna fylgi liðinu frá Noregi. Liðið er ekki alls ókunnugt Íslendingum því fjölmargir Íslendingar hafa leikið með liðinu. Til að mynda Kristinn Jónsson, Ásgeir Börkur, Haraldur Björnsson sem og fyrrum leikmenn ÍBV, Guðmundur Þórarinsson og Þórarinn Ingi Valdimarsson.

Kristinn Jónsson núverandi vinstri bakvörður KR og fyrrum leikmaður Sarpsborg, segir ÍBV eiga góðan möguleika á stigi í Eyjum en að heimavöllurinn þeirra sé mjög erfiður en hann kom til Blika frá Sarpsborg08, rétt fyrir tímabil í fyrra. Hann segir liðið vera vel þjálfað af góðum þjálfara og ekki hafa tapað á heimavelli í langan tíma. Möguleikar ÍBV liggi því í að fara með sigur út til Noregs.

Þjálfarateymi Sarpsborg08

Getum farið alla leið
Geir Bakke, þjálfari Sarpsborg, sagðist á blaðamannafundi í Týsheimilinu í gær liðið hafa alla burði til þess að fara alla leið inn í riðlakeppni Evrópudeildarinnar. „ Já, ég held það. Við erum með mjög aggressívan leikstíl og ef við náum að loka þá inni og pressa hátt þá getum við unnið. En ef við gerum það ekki gætum við lent í vandræðum,“ sagði Geir. „Við höfum skoðað myndbönd af leikjum ÍBV og náð að greina leik liðsins nokkuð vel. Þeir eru mjög góðir í föstum leikatriðum, hornspyrnum og aukaspyrnum úti á köntum og þeir eru einnig fljótir upp völlinn þegar þeir vinna boltann við þurfum að varast það.“

Erum litla liðið í einvíginu
Evrópuleikurinn í dag verður sá 45. hjá ÍBV. Síðast mættu þeir Rauðu Stjörnunni frá Serbíu og endaði sá leikur 0-0, en 0-2 tap samanlagt eftir tveggja marka tap ytra.

Þjálfararnir Jón Óli Daníelsson, Kristján Guðmundsson og Sindri Snær Magnússon fyrirliði á blaðamannafundinum í gær.

„Við höfum skoðað skýrslur of myndbönd frá leikjum Sarpsborg og vitum því mikið um liðið. Þeir vilja pressa hátt og eru sterkir líkamlega. Klárlega líklegri aðilinn í leiknum,“ sagði Kristján Guðmundsson, þjálfari ÍBV á blaðamannafundinum í gær. „Við vitum hvernig þeir spila, þeir gera það sem lið, verjast sem lið og pressa sem lið. Þeir eru einnig með mjög góða einstaklinga í liðinu. Það skiptir mig ekki máli hvaða leikmenn eru að spila við erum að spila við lið og verðum að spila sem lið.“

Kristján sagði ÍBV vera litla liðið í einvíginu en það væri þá alltaf möguleiki. „Þeir eru með atvinnumenn í öllum stöðum og því líklegri, við eigum þó möguleika og ætlum að nýta þá. Við þurfum að gera það á heimavelli, það er númer eitt að vinna heima.“

Á annað hundrað stuðningsmenn
Lið Sarpsborgar08 kom til Eyja í gær, miðvikudag en fjöldi stuðningsmanna fylgdi liðinu til landsins en gisti í Reykjavík og kemur yfir í dag. Ekki reyndist unnt að fá gistingu fyrir allan hópinn í Eyjum, en hann telur vel yfir hundrað manns. Það mun því reyna á Eyjamenn að sýna liðinu stuðning í þessum mikilvæga leik.

Forsala aðgöngumiða er í Axeló og Skýlinu. Og er verðið 2.000 kr fyrir eldri en 12 ára, 1.000kr fyrir 12 ára og yngri. Fullt verð við hlið er 2.500 kr. Ársmiðar, bakhjarl og aðrir afslættir gilda ekki á Evrópu og bikarleiki.

Nýjustu fréttir

Fréttir
Rafmagnslaust: Stór truflun í kerfinu – uppfært
Fréttir
Annríki hjá Björgunarfélagi Vestmannaeyja í fárviðri
Úr blaði Eyjafrétta
Hjalti læknir og Vera Björk Eyjafólk ársins 2025
Fréttir
Stormur á Stórhöfða
Aðsend grein
Sterkt samfélag byggir á trausti og samvinnu
Aðsend grein
Mikilvægasta skipið
Fréttir
Tilnefnt í faghóp vegna nýs leikskóla í Löngulág
Samgöngur
Ábending frá Herjólfi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.