Það stefnir í líflega daga í Eyjum á næstunni þar sem nóg verður um að vera og fjölbreyttir viðburðir í boði.

Hér er yfirlit um helstu viðburði:

Fimmtudagur:

• „Ég skal syngja fyrir þig“ fer fram í Höllinni, þar sem Einar Ágúst syngur ljóð Jónasar Friðriks við undirleik Gosanna. Húsið opnar kl. 19.30 og tónleikar hefjast 20.00.

Föstudagur:

• Hrekkjavakan byrjar kl. 18 og stendur til kl 20. Þá ganga börnin í hús, klædd í skemmtilega búninga, og safna nammi frá þeim heimilum sem taka þátt.
  Kvennakvöld handboltans fer fram í golfskálanum. Húsið opnar 19:30 og byrjar fjörið kl 20:00. Hrund Scheving verður veislustjóri og mun Dr. Victor sjá um að halda uppi fjörinu.
• Í Eldheimum verða Stefanía Svavarsdóttir og Pálmi Sigurhjartason með tónleika. Húsið opnar kl. 19:30 og hefjast tónleikarnir kl. 20:30.
• Brothers Brewery verður með hrekkjavökupartý og veitir verðlaun fyrir flottustu búninga.

Laugardagur:

• Karlakvöld handboltans fer fram í Golfskálanum. Húsið opnar 19:30 og byrjar fjörið kl 20:00. Þórhallur Þórhallsson veislustjóri.