Nemendur í 8. bekk Grunnskóla Vestmannaeyja afhentu í dag Vestmannabæ 43 kg af plast umbúðum. en nemendur hafa safnað plasti í rúman mánuð með það að markmiði að gera sér grein fyrir því magni sem hver og einn notar af plasti. Ásamt því að fá fræðslu og vinna önnur verkefni tengdu platsnotkun.

„Markmið verkefnisins er að að nemendur geri sér grein fyrir mikilvægi þess að fara vel með jörðina og skilji hugtakið sjálfbærni, geri sér grein fyrir að aðgerðir eða aðgerðaleysi hvers og eins skiptir máli,” segir í tilkynningu frá kennurum og nemendum 8. bekkjar GRV að lokinni afhendingunni. „Þess má geta að hver og einn Íslendingur notar 10 kg af plasti á mánuði sem gera 33 kg á ári. Við söfnuðum 43 kg sem eru til sýnis á Einarsstofu. Það er áhugavert að sjá hvernig 43 kg líta út.”

Leiðir til að draga úr plastnotkun

• Hægt væri að hætta að hafa einnota plastpoka í búðum og frekar hafa fjölnota poka sem fólk gæti fengið lánað og skilað seinna.
• Hægt væri að hafa betri sorpflokkun, tildæmis væri hægt að hafa sér tunnu fyrir plast á heimilum.
• Við getum einnig ráðið fólk í að tína upp rusl í bænum.
• einn dag í mánuði gætu fyrirtæki eða árgangar í skólum farið út og tínt rusl.
• Vestmannaeyjabær gæti sett fleiri ruslatunnur út um bæinn og haft eina fyrir endurvinnslu og aðra fyrir almennt sorp.
• Við viljum hvetja fyrirtæki til þess að huga að umhverfinu og leggja sitt af mörkum til þess að nota minna plast.