Búast má við að margir komi til með að nota rafmagnshlaupahjól til að flakka á milli staða í Eyjum um helgina en vert er að rifja upp að sérstakar reglur um smáfarartæki voru lögfestar þegar Alþingi samþykkti sl. júní frumvarp innviðaráðherra um breytingar á umferðarlögum.

Nú er refsivert samkvæmt fyrrnefndum lögum að aka rafskútum undir áhrifum áfengis og gilda sömu meginreglur og um akstur bifreiða undir áhrifum.

Hjólin í fréttir í fyrra

Hlaupahjólin frá fyrirtækinu Hopp rötuðu nokkrum sinnum í fréttirnar á síðustu Þjóðhátíð. Á föstudagskvöldinu slasaðist einn og missti úr sér nokkrar tennur eftir að hafa dottið af slíku hjóli og á Húkkaraleik hjá KFS keyrði þjóðhátíðargestur inn á völlinn í miðjum leik sem olli miklum usla.