Heildarrekstrartekjur samstæðu Vestmannaeyjabæjar voru 10.730 m.kr. og rekstrargjöld 9.553 m.kr.
Rekstrarafkoma samstæðunnar (A og B hluta) var jákvæð um rúmar 781 m.kr. sem er besta rekstrarafkoma í 15 ár. Fyrir afskriftir og fjármagnsliði var rekstrarafkoma A-hluta bæjarsjóðs jákvæð um 535 m.kr. Að teknu tilliti til afskrifta og fjármagnsliða var afkoma A-hluta jákvæð um 296 m.kr.
Heildareignir samstæðu Vestmannaeyjabæjar námu tæpum 20.479 m.kr. í árslok 2025. Þar af stóð handbært fé og sjóðir í 2.368 m.kr. Allar fjárfestingar bæjarins á árinu eru fjármagnaðar með handbæru fé (þ.e. eigið fé, ekki lántaka) og námu fjárfestingar samstæðu Vestmannaeyjabæjar um1.614 m.kr.
Veltufé frá rekstri í samstæðu A- og B hluta var 1.972 m.kr. eða 18,4% í hlutfalli við rekstrartekjur. Í A-hluta nam hlutfallið 17,6% eða 1.246 m.kr.
A- hluti sveitasjóðs hefur verið skuldlaus við lánastofnanir í tvö ár og einu skuldir B-hluta eru vegna félagslegra íbúða. Skuldaviðmið er lágt og töluvert lægra en flestra annarra sveitarfélaga en það nemur 16% af samstæðu en 19 % í A-hluta í árslok 2025.
| Heildarrekstrartekjur | 10.729.575.000 |
| Heildarrekstrargjöld | 9.553.075.000 |
| Rekstrarafkoma ársins (jákvæð) | 781.311.000 |
| Niðurstaða efnahagsreiknings | 20.478.815.000 |
| Eigið fé | 13.340.092.000 |
| Handbært fé og skammtímafjárfestingar | 2.368.733.000 |
| Veltufé frá rekstri | 1.972.064.000 |
| Skuldaviðmið | 16% |
| Skuldahlutfall | 67% |
Ársreikningurinn staðfestir traustan fjárhag Vestmannaeyjabæjar og getu sveitarfélagsins til að standa undir bæði rekstri og áframhaldandi uppbyggingu. Góð afkoma, sjálfbær rekstur og sterk eignastaða skapa svigrúm til að fjárfesta í innviðum og þjónustu til framtíðar í þágu íbúa bæjarins, segir í tilkynningunni.
