Saga nýs Herjólfs hálf klúðurs­leg frá upp­hafi
Mynd: Vegagerðin

„Mér kem­ur þetta ástand mjög á óvart. Ég er van­ur því að það sé gengið frá öll­um laus­um end­um jafnóðum og það séu eng­ar svona uppá­kom­ur,“ seg­ir Bárður Haf­steins­son, skipa­verk­fræðing­ur hjá Nautic ehf. Hann furðar sig á því hvernig haldið hef­ur verið á mál­um við smíði nýs Herjólfs.

Eins og fram kom í Morg­un­blaðinu í gær til­kynnti Vega­gerðin að skipa­smíðastöðin Crist S.A. í Póllandi, sem smíðar nýj­an Herjólf, hefði á loka­metr­um verks­ins kraf­ist viðbót­ar­greiðslu sem nem­ur nærri þriðjungi af heild­ar­verði skips­ins.

Bárður seg­ir í Morg­un­blaðinu í dag að saga nýs Herjólfs sé hálf klúðurs­leg frá upp­hafi.

„Það er nokkuð lang­ur aðdrag­andi að þessu öllu sam­an. Vega­gerðin legg­ur eft­ir því sem ég best veit fram teikn­ing­ar að þessu skipi. Sá sem ger­ir frum­hönn­un­ina er Jó­hann­es Jó­hanns­son, skipa­tækni­fræðing­ur, sem býr í Dan­mörku, og svo var boðin út frek­ari teikni­vinna. Það var norskt fyr­ir­tæki sem fékk þá vinnu. Síðan er skipa­smíðastöðin lát­in bera ábyrgð á þess­um teikn­ing­um þegar samið er, eft­ir því sem mér er sagt. Mér finnst það dá­lítið und­ar­legt. Þeir eiga að standa ábyrgð á djúpristu og þyngd skips­ins, sem hönnuðu skipið. Svo heyr­ir maður að þegar þeir fara að vinna úr þessu þá komi í ljós að skipið verður allt of þungt. Það er líka of mjótt.“

Mbl.is greindi frá

Nýjustu fréttir

Menning
Foreign Monkeys gefa út þriðju breiðskífu sína – „III“
Aðsent
Úttekt á fasteignagjöldum ársins
Fréttir
Mikil gróska í fimleikastarfi og mót framundan
Aðsent
Hlutafjáraukning Eyjaganga langt komin
Fréttir
Áframhaldandi hvassviðri út vikuna  
Áhugavert
Áætlun um rýmingu Heimaeyjar eftir að Surtsey fór að gjósa
Sjávarútvegur
Loðnu að finna á stóru svæði
Bæjarmálin
Íbúakosning samhliða næstu sveitarstjórnarkosningum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.