Nú hillir loksins undir að byrjað verði á byggingu fjölnota íþrótta­húss við Hástein. Nýja húsið á að hýsa hálfan knattspyrnuvöll og verður á honum gervigras af fullkomn­ustu gerð. Það er byggingafyrirtækið Steini og Olli ehf. sem reisir húsið. Magnús Sigurðsson, fram­kvæmda­stjóri, sagði í samtali við Fréttir að búið væri að panta stálgrind­ina frá Lettlandi og kemur hún öðru hvoru megin við áramót en húsið verður svo klætt alusink járni.