Skákkennsla og kynning í Hamarsskóla

Eyjafréttir
·
Fréttir
·
9. mars 2016

Björn Ívar Karlsson og Stefán Bergsson skákkennarar voru í Eyjum í síðustu viku og kynntu og kenndu skák í 1. Til 5. bekkjum og fimm ára deildinni í Hamarsskóla. sl. fimmtudag og föstudag. Heimsókn þeirra félaga er liður í samstarfi Grunnskóla Vestmannaeyja og Taflfélags Vestmananeyja sem hefur það markmið að taka upp formlega skákkennslu á nýjan leik fyrir yngri nemendur Grunnskólans. Á þessum tveimur dögum náðu þeir félagar að kynna skák í öllum bekkjardeildum Hamarsskóla og einnig í fimm ára deildinni. Margir minnast þess tíma fyrir nokkrum árum að grunnskólabörn í Eyjum voru í fararbroddi í skákinni og var það ávöxtur öflugrar skákkennslu í Grunnskóla Vestmannaeyja og í Taflfélaginu.

Í samtali við Eyjafréttir lýstu þeir Björn Ívar og Stefán Bergsson mikilli ánægju með heimsóknina til Eyja og góðum viðtökum Sigurláss �?orleifssonar skólastjóra og miklum áhuga nemenda. Áformað er að Stefán Bergsson frá Skákakademíunni komi á ný í Grunnskólann innan tíðar þar sem lagt verði á ráðin um frekara samstarf.

Arnar Sigurmundsson formaður Taflfélags Vm. sagði að í nokkurn tíma hefði verið unnið að því í samstarfi við Sigurlás �?orleifsson skólastjóra GRV að taka upp skákkennslu á nýjan leik í yngri bekkjum grunnskólans. Vestmannaeyjabær og fyrirtæki sem eru styrktaraðilar Taflfélagsins leggja áherslu á að efla skákkennslu meðal skólabarna í Eyjum, en kunnátta á skák skilar sér vel í stærðfræði og rökhugsun svo dæmi sé tekið sagði Arnar að lokum.

Myndirnar með greininni tók �?löf Heiða Elíasdóttir í skákkennslunni í Hamarsskóla í síðustu viku.

Nýjustu fréttir

Sjávarútvegur

Fimm skip til loðnuleitar

Vinnslustöðin

Löndun Breka VE í Grundarfirði – flókið verkefni og fumlaus vinnubrögð

Áhugavert

Gong slökun, endurstilling í hraða nútímans

Fréttir

Bæjarráð gagnrýnir samgönguáætlun

Íþróttir

Elliði með fimm mörk í stórsigri Íslands

Herjólfur

Herjólfur í Þorlákshöfn í dag og á morgun

Fréttir

Orkumálin til skoðunar hjá ráðherra

Skólamál

Dagvistunarmál til umræðu á fundi fræðsluráðs

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki