„Sóknargjöld skipta Landakirkju gífurlegu máli“
DSC_1257
Séra Viðar Stefánsson messar í Stafkirkjunni. Eyjafréttir/Eyjar.net/Óskar Pétur Friðriksson.

Sóknargjöld hafa lengi verið til umræðu í samfélaginu, bæði hvað varðar upphæð, réttlæti og áhrif á starf kirkjunnar. Ritstjóri Eyjafrétta ræddi við sr. Viðar Stefánsson, prest í Landakirkju um hvernig kerfið virkar, hversu mikið það skiptir söfnuðinn og hvað Eyjamenn ættu að hafa í huga áður en skráning í trúfélag er uppfærð þann 1. desember.

Hvað eru sóknargjöld og hvernig virka þau?

„Sóknargjöld eru gjöld sem allir greiða í skatt í hverjum mánuði og eiga að standa að og stuðla að rekstri trúfélaga í landinu,“ segir sr. Viðar. „Af skatti sérhvers manns renna 1.221 króna í mánuði til þess trúfélags sem viðkomandi er skráður í og á þeim stað sem hann býr. Upphæðin er uppfærð árlega 1. desember.“

Hann útskýrir að sóknargjöld þeirra sem eru skráðir í þjóðkirkjuna og búsettir í Eyjum renni beint til Landakirkju, ekki til yfirstjórnar kirkjunnar. „Þessi gjöld nýtast í öllu sem fram fer í kirkjunni – hópastarfi, kórastarfi, barna- og æskulýðsstarfi, viðhaldi kirkju og safnaðarheimilis, launum starfsmanna og fleiru. Laun prestanna liggja þó utan sóknargjalda.“

Allir greiða sóknargjald, líka þeir sem eru skráðir utan trúfélaga, en þá rennur gjaldið til ríkisins.

Þróunin frá hruninu og mikilvægi gjaldsins fyrir Landakirkju

Samkvæmt sr. Viðari var gerð stór skerðing á sóknargjöldum í kjölfar bankahrunsins. „Ef sú skerðing hefði ekki verið gerð væri sóknargjaldið í dag um 2.765 krónur. Söfnuðir landsins hafa því orðið af milljörðum í tekjur frá hruni.“

Þrátt fyrir að árlega hafi komið fram hugmyndir um frekari lækkanir hefur þeim sem betur fer verið frestað. „Nokkrar krónur til eða frá skipta okkur gífurlegu máli og geta munað um heilan mánuð í tekjum.“

Landakirkja er afar háð þessum tekjum. „Sóknargjöld eru um 90% af tekjum Landakirkju. Þannig að þau skipta okkur gífurlegu máli. Án þeirra gætum við hreinlega gleymt því að reka Landakirkju og halda úti kirkjulegu starfi.“

Algengur misskilningur og skráningarmál

Margir séu enn óöruggir með hvaða áhrif skráning í trúfélag hefur. „Margir halda að þeir fái skattaafslátt með því að vera skráðir utan trúfélaga en það er ekki rétt,“ segir sr. Viðar.

Hann bendir einnig á algengan misskilning varðandi skráningu barna: „Fólk heldur oft að börn skráist sjálfkrafa í þjóðkirkjuna við skírn eða fermingu, en það gerist aðeins ef báðir foreldrar eru í sama trúfélagi. Ef foreldrar eru í sitthvoru trúfélaginu endar barnið utan trúfélaga.“

Útlendingar sem flytja til landsins eru yfirleitt skráðir utan trúfélaga, og fólk sem flytur heim eftir dvöl erlendis missir stundum skráningu óvart.

Er kerfið réttlátt – og hvernig bregst kirkjan við fækkandi skráningum?

Sr. Viðar telur núverandi kerfi bæði eðlilegt og gagnsætt: „Ríkið sér hag í því að halda úti starfi trúfélaga og hefur gert það lengi. Útfærslan er hægt að umræða, en kerfið er í grunninn sanngjarnt.“

Fækkun í þjóðkirkjunni hefur þó áhrif á umræðu um gjöldin. „Þeir sem standa hvað harðast gegn trúfélögum hafa háværast kallað eftir lækkun sóknargjalda. Þjóðkirkjan keppist því við að minna á mikilvægi skráningar í lok nóvember ár hvert.“

Að lokum: Mikilvægi skráningar fyrir samfélagið

Hvernig getur kirkjan byggt upp traust og sýnileika? „Við prestarnir sjáum alltaf til þess að minna á þetta í gegnum athafnir kirkjunnar,“ segir sr. Viðar. „En það skiptir mestu að þeir sem sjá hag í starfi kirkjunnar og njóta góðs af því séu skráðir í þjóðkirkjuna.“

Hann áréttar að lokum: „Athugið skráninguna ykkar fyrir 1. desember. Hún skiptir gífurlegu máli fyrir okkur sem kirkju og samfélag. Hægt er að skoða skráninguna á skra.is.“

Nýjustu fréttir

Samgöngur
Dýptarmælingar fyrirhugaðar í Landeyjahöfn
Fréttir
Landsréttur hafnaði kröfu um gæsluvarðhald
Myndband
Framkvæmdir í ferbrúar-blíðunni
Úr blaði Eyjafrétta
„Þær halda utan um hjartað í Hljómey“ 
Aðsend grein
Skólamál og ábyrgð í opinberri umræðu
Íþróttir
Eyjamenn með stórsigur í Suðurlandsslagnum
Sjávarútvegur
Eyjarnar landa í Eyjum í dag
Minning
Útför: Þórunn Pálsdóttir
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.