Það var þéttsetin gamla öllin við Vestmannabraut í gær þegar Lúðrasveit Vestmannaeyja og Karlakór Vestmannaeyja fluttu Sólarsvítuna eftir Árna Johnsen undir röggsamri stjórn Jarls Sigurgeirssonar, stjórnanda LV.

Tónleikarnir hófust á því að Sara Renee Griffin frumflutti goslokalagið í ár. Aftur heima eftir Björgvin E. Björgvinsson. Gerði hún það listavel og verður spennandi að fá að heyra meira frá henni í framtíðinni.

Þá hélt Páll Zóphaníasson hátíðarræðu í tilefni 45 ára frá goslokum. En hann var bæjartæknifræðingur í Vestmannaeyjum þegar fór að gjósa á Heimaey. Hann hafði tekið við starfi bæjartæknifræðings árið áður og gegndi starfinu til ársins 1976. Þá var hann ráðinn bæjarstjóri í Vestmannaeyjum og gegndi því embætti til 1982

Karlakórinn og Lúðrasveitin tóku svo sitt hvort lagið áður en að Sólarsvítunni kom. Árni Johnsen höfundur svítunnar fór þá með nokkur orð og var klökkur í máli. Hann sagði Sólarvítuna sitt framlag til tónlistarmenningarinnar í Vestmannaeyjum.

Tónleikarnir voru styrktir af Sambandi sunnlenskra sveitarfélaga, 100 ára afmæli fullveldisins, Goslokanefnd og Skipalyftunni.

Eins og svo oft áður var Óskar Pétur á staðnum og tók myndir og stutt myndband.

DSC 8870Björgvin E. Björgvinsson höfundur goslokalagsins 2018 fær viðurkenningu frá Goslokanefnd

DSC 8939Lúðrasveit Vestmannaeyja

DSC 8932Lúðrasveit Vestmannaeyja og Karlakór Vestmannaeyja ásamt Árna Johnsen að loknum vel heppnuðum flutningi

DSC 8918Flutningur Sólarsvítunnar þótti velheppnaður undir röggsamri stjórn Jarls Sigurgeirssonar

DSC 8911Vel var mætt á tónleikana í gömlu Höllinni við Vestmannabraut

DSC 8908Árni Johnsen sagði Sólarsvítuna sitt framlag til tónlistarmenningarinnar í Eyjum

DSC 8895Lúðrasveit Vestmannaeyja .

DSC 8889Karlakór Vestmannaeyja söng Síðasta Dansinn undir stjórn Þórhalls Barðasonar við undirleik Sæþórs Vídó

DSC 8883Póll Zóphaníasson hélt hátíðarræðu

DSC 8881Kristinn Pálsson var kynnir á tónleikum LV og KKVE

DSC 8876Sara Renee Griffin frumflutti Goslokalagið

Fyrir þá sem misstu af tónleikunum þá voru þeir í beinni útsendingu á Facebook síðu Lúðrasveitar Vestmannaeyja og má sjá upptökuna hér að neðan.