Eitt mesta sjónarspil Þjóðhátíðar er þegar blysin eru tendruð eftir Brekkusönginn að miðnætti sunnudagsins. Blysin hafa verið mynduð frá öllum sjónarhornum, neðan frá, ofan frá og blysfarar sjálfir eru duglegir að mynda brekkuna fyrir neðan sig. Tómas Einarsson, ungur Eyjamaður fann þó nýtt sjónarhorn í ár. Hann flaug fjarstýrðri flugvél sinni inn í Dalinn og tók herlegheitin upp. Hér að neðan má sjá myndbönd Tómasar. Sjón er sögu ríkari.