Eyjamenn töpuðu í gær gegn Víkingi Reykjavík í fyrstu umferð Bestu deildar karla. Eftir markalausan fyrri hálfleik þar sem Víkingar sóttu meira gátu Eyjamenn ágætlega við unað að ganga til búningsklefa með stöðuna 0-0.

Heimamenn komust svo yfir í byrjun seinni hálfleiks með marki frá Daní­el Haf­steins­syni. Gylfi Þór Sig­urðsson, leikmaður Víkings fékk svo að líta rauða spjaldið skömmu síðar fyrir brot. Þrátt fyrir að Eyjamenn væru meira með boltann eftir þetta tókst þeim ekki að jafna. Þess í stað tvöfölduðu heimamenn forystuna á 79. mínútu þegar Gunn­ar Vatn­ham­ar skoraði. Lokatölur í Víkinni 2-0.