Segjum sem svo að þú eigir fyrirtæki og ert að leita að nýjum starfskrafti. Þú auglýsir og í viðtal til þín kemur einstaklingur. Hann hefur augljóslega farið í atvinnuviðtal áður, kemur vel fyrir, dásamar sig og lofar öllu fögru. „Ég mun ALDREI mæta of seint, ég mun ALDREI verða veikur, ég mun ALLTAF vinna yfirvinnu ef þú biður mig um“ og já, lofar að gera allt sem þú vilt og ef þú ræður hann mun fyrirtækið augljóslega blómstra sem aldrei fyrr.