Spor í rétta átt

�?að ber að fagna því átaki sem gert var í lífeyrismálum eldri borgara með breytingum á almannatryggingalögum í desember 2006 meðal annars með hækkun lífeyris og minni skerðingum lífeyris almannatrygginga vegna eigin tekna og tekna maka. Betur má ef duga skal og halda ber áfram á þessari braut. �?að er dýrmætt þeim einstaklingum sem hlut eiga að máli og það er samfélaginu mikilvægt að fá notið krafta þeirra.

�?að verður engin sú breyting við tiltekin aldursmörk sem gerir það að verkum að fólk hætti að hafa þörf fyrir að fá að taka þátt í hringiðu lífsins með því að skynja, skapa og njóta �?að er svo jafn sjálfsagt að þeir sem vilja eða þurfa að draga sig í hlé, þegar árin færast yfir, geti gert það með reisn.

�?að hefur verið búið í haginn

Íslendingar hafa byggt upp eitt sterkasta lífeyrissparnaðarkerfi sem þekkist. �?að er til þess fallið að tryggja til framtíðar þeim sem ekki eru á vinnumarkaði, sökum veikinda, örorku eða aldurs, gott lífsviðurværi. Grundvallarhugsun að baki þessa kerfis er sú að þegar ellin færist yfir njóti menn ráðdeildar frá yngri árum. Ellilífeyrir byggist upp á þremur stoðum: Skyldubundnum sparnaði lífeyris, frjálsum lífeyrissparnaði og svo ellilífeyri almannatrygginga. Eftir því sem stundir líða munu flestir þeirra er eldast hafa tryggar tekjur af lífeyrissparnaði, þeim sem það á ekki við um verður að tryggja góða afkomu.

Að eldast

�?að var einhverju sinni sagt að allir vildu verða gamlir en enginn vildi vera það. �?g er ekki viss um að þetta eigi að öllu leyti við í dag.

Aldraðir hafa í æ ríkari mæli haslað sér völl í umræðum og stefnumörkun um eigin málefni og öflug félög þeirra um allt land eru þar mikilvæg. Segja má að starfsemi þessara félaga sé tvíþætt, annars vegar barátta fyrir þeim hagsmunamálum sem sameiginleg eru og hins vegar fjölbreytt félagsstarf sem byggir á þeim sannindum sem eiga við, óháð aldri, að maður er manns gaman.

Flest okkar sem fjöllum um málefni eldri borgara í dag eigum það sameiginlegt að við stefnum á að komast í þann hóp í framtíðinni og enginn veit sína ævina fyrr en öll er.

�?að má alltaf gera betur

Landsfundur Sjálfstæðisflokksins mótar stefnu flokksins til næstu ára. �?ar kemur saman breiðfylking borgaranna og hver og einn leggur sitt til mála. Á landsfundi í apríl 2007 var mörkuð stefna sem staðið verður við. Auk þess sem samþykkt var að tekjutenging launatekna 70 ára og eldri við lífeyri almannatrygginga verði að fullu afnumin var ályktað um að almennar skerðingar í almannatryggingakerfinu lækki úr tæpum 40% í 35% og skerðingar vegna lífeyrisgreiðslna verði endurskoðaðar.

Áhersla er lögð á að kjör þeirra ellilífeyrisþega, sem verst eru settir fjárhagslega, verði bætt en það eru þeir sem nú hafa lágar eða engar tekjur úr lífeyrissjóðum. Sjálfstæðisflokkurinn vill beita sér fyrir því að ríkissjóður tryggi ellilífeyrisþegum að lágmarki 25.000 kr. á mánuði úr lífeyrissjóði til hliðar við greiðslur frá Tryggingastofnun ríkisins.

Sjálfstæðisstefnan felur í sér traust og virðingu fyrir fólki, óháð kyni, stétt eða aldri og stefnt er til góðra lífskjara og innihaldsríks lífs á forsendum hvers og eins og samfélagsins í heild.

Helga �?orbergsdóttir

hjúkrunarfræðingur skipar 9. sæti lista Sjálfstæðisflokksins í Suðurkjördæmi.