Þetta eru skrítnir tímar sem við lifum
Hraunbúðir og Kirkjugerði. Hér neðst á myndinni má sjá umrætt svæði við Kirkjugerði.

Hraunbúðir halda úti skemmtilegri heimasíðu þar sem birtar eru fréttir úr starfinu. Þessi frétt kom inn á síðuna í gær.

Smá fréttir af okkur hér á Hraunbúðum.  Þetta eru skrítnir tímar sem við lifum núna, en við vitum að þetta er bara tímabil og áður en við vitum af verður sólin farin að skína, allir farnir að knúsast á ný og hafa gaman saman.  Það skal þó sagt í einlægni að lífið er ekki alveg eins skemmtilegt núna á Hraunbúðum og það var fyrir nokkrum vikum síðan.   Við reynum þó að gera það besta úr stöðunni með það að leiðarljósi að heilsa heimilismanna sé í fyrsta sæti, við viljum vernda þau eins og okkur frekast er unnt fyrir því að fá veiruna.  Núna tvo morgna í röð hafa komið til okkar yndisleg börn úr Hamarskóla og sungið á gluggana, það eru allir svo glaðir með þetta framtak.  Við höfum líka séð aðstandendur kíkja á glugga svona aðeins til að sjá sitt fólk.   Klukkan þrjú á daginn eru flestir í kaffi bæði í stóra matsalnum og svo í enda austurgangs, ef einhverjir fleiri vilja kíkja á okkur fyrir utan gluggann t.d með dýr með sér er það velkomið.

Í síðustu viku skiptum við upp húsinu í tvö svæði, þar sem sami starfshópur er með sinn gang.  Við bættum enn meira í aðskilnaðinn þarna á milli nú í vikunni.  Starfshópar og heimilisfólk ganganna hittast sem allra minnst og hafa ekki sömu snertifleti, við hentum upp aukasetustofu á vesturganginum með góðri aðstoð.  Allir sem búa á austurganginum borða nú í austurendanum í matsal sem tilheyrir nýju deildinni, vesturgangur borðar í stóra matsalnum. Búningsherbergi eru nú orðin þrjú í staðinn fyrir eitt svo sameiginlegir snertifletir séu sem fæstir.  Þar sem ekki þarf nálægð er reglan að hafa samskipti sem minnst og þá í amk 2 m fjarlægð.  Þetta ásamt fullt af öðrum forvörnum, sýkingavörnum og öðrum þáttum sem starfsfólkið okkar hefur unnið að síðustu vikurnar er okkar viðleitni í að halda veirunni í burtu.   Við erum þó að gera þetta allt í fyrsta skipti eins og allir aðrir og getum ekki gert annað en reyna okkar besta í stöðunni og fylgja tilmælum almannavarna í einu og öllu.  Við þökkum aftur skilninginn á heimsóknarbanninnu og vonum að hægt verði að létta því af sem allra fyrst.

Nýjustu fréttir

Fréttir
Rafmagnslaust: Stór truflun í kerfinu – uppfært
Fréttir
Annríki hjá Björgunarfélagi Vestmannaeyja í fárviðri
Úr blaði Eyjafrétta
Hjalti læknir og Vera Björk Eyjafólk ársins 2025
Fréttir
Stormur á Stórhöfða
Aðsend grein
Sterkt samfélag byggir á trausti og samvinnu
Aðsend grein
Mikilvægasta skipið
Fréttir
Tilnefnt í faghóp vegna nýs leikskóla í Löngulág
Samgöngur
Ábending frá Herjólfi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.