Umhverfis- og skipulagsráð Vestmannaeyjabæjar hefur samþykkt að heimila lundaveiði á tímabilinu 25. júlí til 15. ágúst 2025.
Fram kemur í tilkynningu á vefsíðu Vestmannaeyjabæjar að ráðið leggi ríka áherslu á að veiðistýring taki ávallt mið af ástandi og viðkomu lundastofnsins. Samkvæmt lögum er hefðbundið veiðitímabil lunda frá 1. júlí til 15. ágúst.
Veiðifélög hafa nytjarétt á landi í eigu Vestmannaeyjabæjar. Eftirfarandi félög hafa slíkan rétt:
Á svæðum sem heyra undir þessi veiðifélög – bæði í úteyjum og á upptöldum stöðum á Heimaey er einungis heimilt að veiða með leyfi viðkomandi veiðifélags.
Eina svæðið á Heimaey þar sem einstaklingar utan veiðifélaga hafa heimild til lundaveiða er í Sæfellinu.
Til að stunda lundaveiði er gilt veiðikort frá Umhverfisstofnun skilyrði.
Vestmannaeyjabær hvetur alla veiðimenn til að ganga vel um, virða lundastofninn og gæta hófs í veiðum.
Skráðu þig á fáðu nýjustu tilkynningar fyrst