Verðandi, skipstjóra- og stýrimannafélagið í Eyjum ætlar að minnast þess laugardaginn 28. desember næstkomandi, að liðin eru 75 ár frá stofnun félagsins. �?tla Verðandimenn og gestir þeirra að halda mikla veislu í Höllinni þann dag. Í boði verður allt það besta sem völ er á í mat og drykk og skemmtiefni.

Stofnfundurinn félagsins var 27. nóvember 1938 og voru stofnfélagarnir sextíu talsins. Tildrögin að stofnun þess voru þau að skipstjórar og stýrimenn í Vestmannaeyjum vildu stofna til samstarfs vegna ýmissa nauðsynjamála, eins og til dæmis að reisa vita á �?rídröngum og vinna að hagsmunum og betri launakjörum skipstjóra og stýrimanna.

Á sínum tíma vildi félagið koma á hömlum í fiskveiðum, þar sem félagsmenn töldu ýmsa fiskistofna illa á sig komna. �?á töldu bæði stjórnmálamenn og fiskifræðingar slíkt vera bull, nóg væri af fiski í sjónum. Hefði verið hlustað á þessi varnaðarorð Verðandi og tekið mark á þeim, væru fiskistofnar sennilega í betra ástandi en nú er.

Félagið hefur á þessum 75 árum lagt mörgum góðum málum lið, hvað mest björgunar- og öryggismálum.

Allar fundargerðabækur félagsins frá upphafi hafa varðveist og eru þær miklar og góðar heimildir um atvinnuhætti í Vestmannaeyjum auk þess að geyma sögu félagsins. �??Bergur Kristinsson, formaður Verðandi segir afmælisblaði félagsins sem kom út í haust að í tilefni af 75 ára afmæli félagsins, hafi verið ákveðið að ganga til samstarfs við Kára Bjarnason og hans fólk á Bókasafninu. �?au hafa unnið við að skanna allar fundargerðirnar og vinna þær síðan í tölvutækt form. �?tlunin er svo að þær verði vistaðar inni á heimasíðu félagsins og verði þar öllum aðgengilegar.