- Eyjafréttir
- ·
- Fréttir
- ·
Verðskuldaður og uppörvandi sigur
Fyrsti sigur ÍBV í sumar í Pepsídeild karla kom loksins í gærkvöldi, í 10. umferð deildarinnar. Jón �?skar �?órhallsson er grjótharður stuðningsmaður ÍBV og hann var mættur til Keflavíkur í gær að styðja við bakið á sínum mönnum. Hann skrifaði eftirfarandi línur á síðu stuðningsmanna ÍBV á facebook:
�?að var ekki mikil bjartsýnin í ÍBV hjartanu þegar maður mætti á Nettóvöllinn í Keflavík í gær, leiðindarok, sigurlaust lið og Keflvíkingar bara búnir að tapa einum leik. Fáir stuðningsmenn ÍBV voru mættir á völlinn og höfðum við okkur lítið í frammi í leiknum. �?etta var eins dauf byrjun á leik og hægt var að hugsa sér. Inni á vellinum voru hinsvegar 11 drengir sem ætluðu ekki að gefa tommu eftir og voru þeir mun sterkari og spiluðu mjög vel allan fyrri hálfleikinn. Erfiðasti andstæðingurinn í fyrri hálfleik var óstabíll dómari hálfleiksins, Erlendur Eiríksson sem dæmdi á allan fjandann hjá ÍBV en saug örugglega flautuna þegar Keflvíkingar brutu af sér. Aukaspyrna í uppbótartíma fyrri hálfleiks var gefins og Keflvíkingar óverðskuldað yfir í hálfleik. Slík var deyfðin í hálfleik að vallarþuli mistókst að fá sjálfboðaliða úr hópi stuðningsmanna ÍBV gegn stuðningsmanni Keflavíkur til að keppa um að skjóta í slánna á einu markinu og vinna pizzaveislu. Við stuðningsmenn ÍBV steinþögðum allflest bara áfram og biðum átekta frá okkar mönnum í síðari hálfleik. Ef menn héldu að þessir 11 strákar væru búnir að gefast upp, þá voru engin merki um það í síðari hálfleik og var frekjan í þeim þvílík að það var eiginlega ekki hægt annað en að uppskera. Frábær innkoma frá Atla Fannari var það sem vantaði uppá að flóðgáttirnar opnuðust svo liðið fengi það sem það átti skilið út úr þessum leik, sem voru þrjú stig og ekkert minna en það. �?etta var mjög verðskuldaður og uppörvandi sigur hjá okkar mönnum og vil ég hvetja stuðningsmenn til að mæta vel á leiki liðsins á næstunni, það mun verða þess virði. Áfram ÍBV !
