Hópurinn sem stendur að Landeyjahöfn.is fagnar því að í dag eru 150 dagar frá því að Herjólfur komst síðast í Landeyjahöfn. Í tilefni hópurinn ákveðið að færa ráðamönnum hamingjuóskir og köku í tilefni dagsins. �?eir benda á nokkrar staðreyndir: -Samkvæmt upprunalegu uppleggi með Landeyjahöfn og með núverandi Herjólfi var gert ráð fyrir 5-10% lokun á höfninni á ársgrundvelli og miðað við núverandi ástand að þá er lokun orðin meira en 40%. Einnig var gert ráð fyrir að lokun yfir vetrarmánuðina (1.nóv – 31.mars) gæti alveg farið í 20% en raunveruleikinn núna er 87% lokun (frá 1.nóv til 31. mars 2015)

Eins og staðan er í dag að þá blæðir samfélaginu á öllum sviðum sama hvort litið er til fyrirtækja, ferðaþjónustuaðila eða hins venjulegs íbúa. Búsetuskilyrði fyrir alla þessa aðila eru brostin miðað við núverandi stöðu.

Við sem stöndum að Landeyjahofn.is viljum einfaldlega að við sameinumst um að allur fókus verði settur í að leysa og finna framtíðarlausn á siglingum og dýpkun í Landeyjahöfn. Til þess að slíkt verði gert þarf að hætta að tala um smíða skip sem siglir í �?orlákshöfn, hætta að tala um að byggja göng til Vestmannaeyja og setja alla okkur orku og fókus í að leysa þessi mál til frambúðar.

Við viljum einfaldlega að staðið verðið við gefin loforð um Landeyjahöfn sem heilsárshöfn. Við gerum okkur einnig fulla grein fyrir því að erfitt er að stjórna náttúrunni og að einhverjar frátafir verði almennt á siglingum í Landeyjahöfn og sættum við okkur við slíkt innan ákveðna skekkjumarka.

�?eir aðilar sem fá köku og hamingjuóskir frá okkur eru, Innanríkisráðuneytið kl. 14.00, Alþingi kl. 14.30 og og Samgöngustofa kl. 13.30. en nánari tímasetning á afhendingu verður send út í fyrramálið. Kveðja Landeyjahofn.is.