17 útskrifuðust úr Skrifstofuskólanum

Valgerður Guðjónsdóttir forstöðumaður Visku, segir hópinn í Skrifstofuskólanum, sem nú lauk nýverið, hafa verið fjölbreyttan og námið hafa gengið vel.  Forsagan er sú að Sólrún Bergþórsdóttir, náms- og starfsráðgjafi Visku óskaði eftir því að námið yrði kennt þar sem hún hefði orðið vör við áhuga á því að nám sem þetta yrði í boði í Vestmannaeyjum.  Áður hafði nokkur fjöldi nemenda farið í sambærilegt nám hjá Proment.  Vilji var fyrir því að sækja nám sem þetta í Eyjum en ekki í fjarnámi.

 

Þegar farið var af stað höfðu 19 þátttakendur skráð sig en svo voru það 17 nemendur sem hófu nám og það voru 17 nemendur sem luku námi „Þetta voru 15 konur og 2 karlar, með ólíkan bakgrunn og á öllum aldri.“ Valgerður segir megin markmið námsins hafa verið að námsmaðurinn efldi sjálfstraust sitt og öryggi til faglegra starfa á skrifstofu. Með náminu gátu þau aukið færni sína til að vinna störf á nútímaskrifstofu. Einnig var lagt upp úr að ná valdi á tölvufærni, sem krafist er við almenn skrifstofustörf auk þess að bæta námsfærni þátttakenda. Í haust verður svo boðið upp á Skrifstofuskóli II, sem er tilvalið fyrir þá nemendur sem vilja auka færni sína enn frekar. Það er ekki skilyrði að hafa lokið við fyrri námsbraut en gerð er krafa á grunnþekkingu í reikningshaldi og í bókhaldi.“

 

Sólrún hélt utan um nemendahópinn og fylgdi þeim í gegnum ferlið.  Hún greip inn í og hlúði að og studdi nemendur þegar þeir upplifðu álag.  Þannig er mikilvægi verkefnastjóra mikið því þeir eru með í ferlinu öllu yfir námstímann,ekki bara að skipuleggja námsferlið heldur fylgja því eftir.  Sólrún er náms- og starfsráðgjafi hjá Visku en einnig verkefnastjóri yfir vissum námsleiðum.  Nemendur voru mjög ánægðir með að geta alltaf leitað til hennar í gegnum námsferlið enda er slíkt mikilvægtt þegar um lengri námsleiðir er að ræða.

 

  Rætt er við nokkra nemendur úr skrifstofuskólanum í nýjasta blaði Eyjafrétta.

Nýjustu fréttir

Áhugavert
Útboð Vestmannaeyjabæjar um heilsurækt aftur til kærunefndar
Myndband
Myndband frá höfninni: Steðji VE landar
Aðsend grein
Að loknu prófkjöri
Úr blaði Eyjafrétta
Bærinn eignfærir lögfræðikostnað  
Íþróttir
ÍBV tapaði gegn Haukum
Fréttir
Bæjarráð hafnar bótakröfu vegna gatnagerðar við Alþýðuhús
Úr blaði Eyjafrétta
Laxey rís í Vestmannaeyjum
Íþróttir
Arnór bestur í tapi Karlskrona
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.