Ég er í nefnd um byggingu menningarhús í Vestmannaeyjum. Með mér í nefndinni eru Gunnlaugur Grettisson, Frosti Gíslason og Karítas Gunnarsdóttir. Ég ætla nú ekki að fara í forsögu þessa máls, en í stuttu máli ákvað ríkisstjórn Davíðs Oddsonar fyrir mörgum árum að setja fjármagn í byggingu fjögurra menningarhúsa úti á landi. Eitt á að rísa í Vestmannaeyjum og fengum við úthlutað 180.000.000 kr. gegn mótframlagi bæjarins upp á 120.000.000 kr. Auk þess setti ríkið 100.000.000 kr. í söfnin okkar. Bærinn hefur ákveðið að setja 200.000.000 kr. í dæmið þannig að við höfum alls:480.000.000 kr. til að framkvæma fyrir.

Við tókum þá ákvörðun að mæla með staðsetningu við Ráðhúströð við hliðina á Bóka og byggðasafninu. Við töldum það góða staðsetningu auk þess að það gæti verið gott að hafa alla safnastarfsemi undir sama þaki. Þetta gæti líka orðið lifandi staður sem fólk vildi koma á og allir gætu fundið eitthvað áhugavert að sækjast eftir.

Hér sjáum við Ísfélagið og Fiskiðjuna  en fær er fyrirhuguð staðsetning Menningarhús Vestmannaeyja En margir hafa komið með aðrar góðar hugmyndir. Við urðum að taka ákvörðun og keyra málið upp úr því spólfari sem það hafði verið allt of lengi. En nú hafa menn verið að nefna í spjallinu að það væri vert að skoða þann möguleika að rífa gamla Ísfélagshúsið og Fiskiðjuna og byggja húsið þar. Sitt sýnist hverjum og gaman væri að fá skoðun ykkar í umræðuna.

Maggi Braga bloggar á http://maggibraga.blog.is