Day: 20. febrúar, 2008

�?k ölvaður á ljósastaur

Ökumaður var handtekinn vegna gruns um ölvun við akstur í Hveragerði um sexleytið á þriðjudag. Hann hafði þá ekið á ljósastaur og skemmt bifreið sína töluvert en var sjálfur ómeiddur. (meira…)

Jafnréttisáætlun samþykkt

62. ársþing KSÍ var haldið í höfuðstöðvum KSÍ á dögunum. Fjögur félög innan HSK áttu rétt á að senda sjö fulltrúa á þingið. Á ársþinginu var jafnréttisáætlun sambandsins samþykkt en tillögu um fjölgun varamanna í fyrstu umferðum bikarkeppni KSí var vísað til stjórnar. Þessar tvær tillögur voru þær einu sem lágu fyrir þinginu. (meira…)

Ný Rannsóknarstofa í íþrótta- og heilsufræðum

Föstudaginn 15. febrúar var formlega stofnuð Rannsóknarstofa í íþrótta- og heilsufræðum við íþróttafræðasetur Kennaraháskóla Íslands á Laugarvatni. Tilgangur með Rannsóknarstofu í íþrótta- og heilsufræðum er að eiga frumkvæði að og efla rannsóknir á sviði íþrótta- og heilsufræða og veita rannsóknarþjónustu og ráðgjöf. Einnig mun stofan standa fyrir ráðstefnum, málþingum, námskeiðum og útgáfu á sviði íþrótta- […]

Konudagskakan 2008

Þeir Óskar og Guðni úr Guðnabakaríi með Konudagskökuna 2008 en eins og flestir vita er konudagurinn á sunnudaginn. Keppni er haldin ár hvert um bestu Konudagskökuna og er sigurkakan bökuð í bakaríum víða um landið. Að sögn Guðna hafa vinsældir kökunar aukist mikið undanfarin ár og í fyrra seldust yfir 200 stykki. Kakan er tilvalin […]

Matfugl vill lóð

Matfugl ehf. hefur óskað eftir allt að 30 ha landi norðan væntanlegs Suðurstrandarvegar til að byggja og starfrækja kjúklingaeldishús. (meira…)

�?kumaðurinn staddur í flugvél

Lögreglan á Selfossi handtók ölvaðan mann sem ekið hafði bifreið sinni út af veginum við Aratungu um síðustu helgi. Þegar lögreglan kom á vettvang gaf maðurinn þá skýringu að félagi sinn hefði ekið bifreiðinni. Þegar átti að finna félagann reyndist hann vera staddur í flugvél á leið til Danmerkur svo saga mannsins stóðst ekki. (meira…)

Hvolsskóli sigraði í spennandi keppni

Fimmti riðill í Skólahreysti fór fram í íþróttahúsi Vallaskóla á Selfossi í síðustu viku. Alls öttu níu grunnskólar á Suðurlandi kappi í æsispennandi keppni. Fjórir skólar leiddu keppnina sem var mjög jöfn og spennandi en Hvolsskóli hafði sigur að lokum eftir bestan árangur í hraðaþraut. Hver skóli teflir fram fjögurra manna liðum sem keppa í […]

Tvær myndir Guðmundar Karls á sýningunni

Árleg sýning Blaðaljósmyndarafélags Íslands á myndum ársins 2007 verður opnuð í Gerðarsafni í Kópavogi nk. laugardag. Um 1300 myndir bárust í forval fyrir keppnina en á sýningunni verða rúmlega 200 myndir. Tvær þeirra á Guðmundur Karl Sigurdórsson, ritstjóri Sunnlenska fréttablaðsins. Geir H. Haarde, forsætisráðherra mun opna sýninguna formlega kl. 15:00. Myndir Guðmundar Karls eru báðar […]

Stórglæsilegur árangur Selfyssinga

Selfyssingar náðu frábærum árangri á afmælismóti Júdósambands Íslands sem fram fór í lok janúar í Reykjavík. Níu keppendur frá Umf. Selfoss tóku þátt í mótinu og unnu þeir allir til verðlauna. Framganga Selfyssinga var eftirtektarverð en þeir unnu tíu verðlaun, fjögur gull, fjögur silfur og tvenn bronsverðlaun. (meira…)

Unglingur tekinn á fjórhjóli

Sl. föstudag fékk lögreglan á Selfossi tilkynningu um að ungur drengur væri á ferð um götur Stokkseyrar á fjórhjóli og hefði legið við slysi af akstri hans. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.