Day: 27. október, 2008

Kastaði pakkanum yfir girðinguna.

Þrír karlmenn voru handteknir á Eyrarbakka síðastliðið miðvikudagskvöld. Þeir voru grunaðir um að hafa kastað fíkniefnum inn á lóð fangelsisins á Litla Hrauni. Við leit á svæðinu fannst pakki sem innihélt hvítar töflur og duft. Þetta reyndist vera amfetamín, tæplega 150 töflur og lítilræði af dufti. Einn hinna handteknu viðurkenndi að hafa verið með efnin […]

�?rjú skip losnuðu í óveðrinu

Það var öllu rólegra hjá lögreglu í vikunni sem leið en undanfarnar vikur. Lögreglan þurfti þó að sinna nokkrum útköllum vegna þess óveðurs sem gekk yfir landið aðfaranótt 24. október sl., en m.a. höfðu þrjú skip losnað en í öllum tilvikum tókst að koma í veg fyrir tjón. Auk þess aðstoðaði lögreglan, að vanda, gesti […]

Guðmundi VE skipað í land

Togararnir Hákon EA, Vilhelm Þorsteinsson EA, og Guðmundur VE eru nú á leið í eftirlitsstöð skammt frá Tromsö í Noregi ásamt færeyska togaranum Nordborgin. Norska strandgæslan kom að togurunum inni á svæði sem nýlega hafði verið lokað. (meira…)

Gengust við innbrotum í Eyjum

Fimm ungmenni, sem handtekinn voru í síðustu viku vegna rannsóknar á innbrotum í Árnessýslu, reyndust hafa verið umsvifameiri en fyrst var talið. Tveir úr hópnum viðurkenndu að hafa framið innbrot í söluskálann Árborg við Árnes. Þá gengust þeir við nokkrum innbrotum í Vestmannaeyjum frá því í haust og hafa verið þar til rannsóknar. (meira…)

Verðbólgan er 15,9%

Ársverðbólgan er nú 15,9% en var 14% fyrir mánuði. Þetta er mesta ársverðbólgan síðan í maí 1990. Vísitala neysluverðs hækkaði um 2,16% frá því í síðasta mánuði. Verð á mat og drykkjarvöru hækkaði um 4,3% og verð á fötum og skóm um tæp 5%. Þetta kemur fram á vef hagstofunnar. (meira…)

Gjörningalistahópur í sundlauginni í Laugaskarði

Fjöllistakonan Kitty Von-Sometime fékk afnot af sundlauginni í byrjun október fyrir myndatökur með gjörningalistahópinn sinn Wired girls, skrýtnar stelpur. Þennan fallega haustdag fóru um svæðið 16 hafmeyjar sem voru myndaðar bæði á landi og í vatni. Undir –meira- sjá brot af myndunum sem voru teknar af Herði Ellerti Ólafssyni. (meira…)

Forsala á Verslunarmannaballið hefst í dag

Hið árlega Verslunarmannaball verður haldið í Höllinni næstkomandi laugardag. Skemmtidagskráin hefur sjaldan verið jafn glæsileg, Helga Braga stórleikkona og skemmtikraftur mun stýra veislunni og fjölmargir skemmtikraftar stíga á stokk. Forsala miða hefst í dag klukkan 14 en hægt er að nálgast miða í versluninni Axel Ó. (meira…)

Töpuðu fyrir ungmennaliði Hauka

Karlalið ÍBV í handbolta spila í gær gegn ungmennaliði Hauka í 1. deild karla en leikurinn fór fram á Ásvöllum í Hafnarfirði. Eyjamenn voru tveimur mörkum undir í hálfleik, 17:15 en þrátt fyrir að vera þremur mörkum yfir, 25:28 þegar sjö mínútur voru eftir, þá voru það Haukar sem höfðu betur 31:28. (meira…)

24. landsping smábátasjómanna og vorboðinn ljúfi

Ég var í fyrsta skipti á landsþingi smábátasjómanna núna fyrir helgi. Margvísleg málefni voru tekin fyrir og sum samþykkt en önnur ekki. Sumu var ég sammála en öðru alls ekki. Heitasta málið var, eins og vanalega skilst mér, byggðakvótinn. Þar sem ég kem frá Vestmannaeyjum, þá var ég að sjálfsögðu á móti byggðakvótanum (á síðasta […]

Kúabændum hefur fækkað jafnt og þétt

Kúabændum hefur fækkað um 31 á einu ári. Haustið 2007 voru 737 kúabændur starfandi í landinu en í haust eru þeir 706. Þórólfur Sveinsson, formaður Landssambands kúabænda, segir þessa fækkun í samræmi við fækkun undangenginna ára. „Þumalputtareglan er að það fækkar um tæplega einn í hverri viku, segir Þórólfur. “ (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.