Day: 28. október, 2008

Breskir fisksalar tryggðu gjaldeyrinn

Breskir fisksalar á Humbersvæðinu gengu í að koma gjaldeyrisfærslum til Íslands í lag. Tilgangur þeirra var að tryggja áframhaldandi fiskútflutning frá Íslandi. Gjaldeyrisstreymi að og frá Íslandi hefur verið allt að því alstíflað undanfarnar vikur í kjölfar bankahrunsins. (meira…)

Gunnlaugur skrifar undir samning við Selfoss

Í dag var gert kunnugt að Gunnaugur Jónsson yrði næsti þjálfari Selfyssinga í knattspyrnu. Gunnlaugur sem gerði garðinn frægan uppi á Skaga og í vesturbænum hjá KR, mun auk þess að þjálfa Selfoss, spila með þeim næsta sumar. Við þetta sama tækifæri skrifuðu þeir Ómar Valdimarsson aðstoðarþjálfari, Trausti Hrafnsson sjúkraþjálfari og Halldór Björnsson markmannsþjálfari undir […]

Góð sala á kjöti í september

Góð sala var á kjöti í september síðastliðnum. Samanborið við saman tíma í fyrra er aukningin 13,5%. Mest munar um 40% meiri sölu á svínakjöti en á sama tíma í fyrra. Þetta virðist mega skýra í ljósi þess að framleiðsla og sala svínakjöts í september 2007 var mun minni en í ágúst og október sama […]

Heiðurshryssa Suðurlands 2008

Á folaldasýningu Hrossaræktarsamtaka Suðurlands þann 25. október s.l. var heiðurshryssa Suðurlands árið 2008 heiðruð en það er Brúða frá Gullberastöðum Hún er í eigu Guðrúnar Helgu Þórisdóttur í Skeiðháholti en fædd Sigrúnu Árnadóttur sem nú býr í Borgarnesi. Brúða er dóttir Ófeigssonarins Snarfara frá Gullberastöðum en móðir hennar Urður er af Hornafjarðarstofni undan Skuggasyninum Baldri […]

Getspakir Selfyssingar

Selfyssingar hafa verið óvenju getspakir nú í haust og voru m.a. tveir með 13 rétta í þar síðustu umferð og einn spekingur var með 13 rétta í síðustu umferð og fékk sá einstaklingur nokkur hundruð þúsund í sinn vasa. Alltaf er boðið upp á kaffi og með því í Tíbrá á milli kl 11.00-13.00 á […]

,,Ástin á norðrinu�?

Í tilefni af Safnahelgi á Suðurlandi 7.- 9. nóv. 2008 og Norrænu bókasafnavikunni 10. -15. nóv. n.k. verður efnt til óvenjulegrar sýningar í Listagjá Bæjar-og héraðsbókasafnsins á Selfossi. Þemað verður ,,Ástin á norðrinu” – hvernig sem hver og einn upplifir eða skilur það. (meira…)

Saklaust ungmenni á Selfossi geymir bifhjól

Á föstudag komust lögreglumenn á snoðir um að verið væri að mála bifhjól í bílskúr á Selfossi. Grunsemdir vöknuðu um að hjólið væri stolið. Í ljós kom að hjólinu hafði verið stolið í Reykjavík og þjófurinn fengið saklaust ungmenni á Selfossi til að geyma hjólið. Sá grunaði var handtekinn og yfirheyrður ásamt manni sem handtekinn […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.