Day: 29. desember, 2008

Full eining um �?rettándagleðina

Einhver misskilningur er í gangi varðandi þrettándaskemmtun ÍBV. Mjög gott samkomulag er milli ÍBV og Vestmannaeyjabæjar varðandi framkvæmd skemmtunarinnar. Í fréttum RÚV í gærkvöld ver sagt frá hátíðinni á þann veg að skilyrði fyrir styrk bæjarins væri, að skemmtunin yrði færð að helgi. Hér er misskilningur á ferð, slíkt skilyrði hefir aldrei verið sett fram […]

Karl slóst við tvær konur

Lögreglan í Vestmannaeyjum var vel vakandi yfir jólahátíðina enda vísaði hún nokkrum ungmennum út af skemmtistöðum bæjarins. Þau höfðu komist inn á staðina með því að framvísa skilríkjum annarra. Þar hafði orðið ósætti milli karls og tveggja kvenna sem endaði með stympingum og gengu einhver högg á milli þeirra en ekki var um að ræða […]

Síld gengur inn í Vestmannaeyjahöfn

Sjómenn hafa undanfarið orðið varir við talsvert af síld í innsiglingu Vestmannaeyjahafnar. Valur Bogason, hjá Hafró í Vestmannaeyjum var að kanna málið þegar Eyjafréttir höfðu samband við hann. „Það eru talsvert þykkar lóðningar hérna sem ná frá Nausthamri og út fyrir Klettsnefið. Við höfum verið að reyna veiða eitthvað af þessu til að kanna sýkingu […]

Sættust á skiptan hlut

Meistaraflokkslið Vestmannaeyja í knattspyrnu, ÍBV og KFS mættust í Íslandsmótinu í Futsal á laugardag og eðli málsins samkvæmt, fóru báðir leikirnir fram í Eyjum. 3. deildarliðið kom á óvart í fyrri leiknum og lagði úrvalsdeildarliðið með fimm mörkum gegn fjórum í fjörugum leik. ÍBV hafði svo betur í síðari leiknum 3:1. (meira…)

Gáfu Sambýlinu 100 þúsund

Meðlimir mótorhjólaklúbbsins Drullusokkar í Vestmannaeyjum eru með hjartað á réttum stað undir leðurjökkunum en í gær komu þeir færandi hendi á Sambýlið, þjónustumiðstöð fyrir fatlaða. Kapparnir mættu að sjálfsögðu á mótorfákum sínum og í fullum skrúða og afhentu Huldu Líneyju Magnúsdóttur, forstöðumanni Sambýlisins eitt hundrað þúsund krónur að gjöf. (meira…)

Trilla strandaði í innsiglingunni í morgun

Línubáturinn Hlöddi VE 98 strandaði í morgun í innsiglingunni í Vestmannaeyjahöfn. Báturinn var á útleið með tvo um borð þegar sjálfstýring í bátnum bilaði með þeim afleiðingum að bátinn rak fljótlega upp í fjöru. Lítil hætta var á ferðum enda veður gott. Greiðlega gekk að ná bátnum af strandstað og var hann færður til hafnar […]

Kjaraskerðing í Hveragerðisbæ

Laun bæjarstarfsmanna í Hveragerði verða skert samkvæmt drögum að fjárhagsáætlun bæjarins fyrir næsta ár. Bæjarstjórnin gerir líka kröfur til stjórnenda bæjarins um hagræðingu og lækkun rekstrarkostnaðar. Launalækkunin felst í því að umsamin föst yfirvinna starfsmanna verður skert um 10 prósent og föstum bílastyrkjum verður sagt upp og akstur í staðinn greiddur eftir akstursdagbókum. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.