Day: 22. júlí, 2011

ÍBV fær framherja frá Newcastle

ÍBV hefur fengið framherjann unga Aaron Spear til liðs við sig en hann kemur frá Newcastle United. Aaron er fæddur árið 1993 og er því ennþá á miðári í öðrum flokki. Aaron lék með yngri flokkum Plymouth til ársins 2008 þegar hann fór til Newcastle. Hann skoraði síðan í sínum fyrsta varaliðsleik með Newcastle gegn […]

Rússar bjóðast til að aðstoða Eyjamenn

Eyjafréttir.is höfðu í gær spurn að því að Elliði Vignisson bæjarstjóri sæti fund með sendiherra Rússa á Íslandi vegna Landeyjahafnar. Aðspurður staðfesti Elliði þetta. „Jú það er rétt, í gær fundaði ég með Andrey V. Tsyganov sendiherra Rússa á Íslandi.“ Elliði segir að þeir hafi fyrst og fremst rætt um Landeyjahöfn og að hann hafi […]

Villi naglbítur gerir Eyjunum skil

Síminn hefur í sumar sýnt auglýsingar þar sem popparinn hressi, Vilhelm Anton Jónsson eða Villi naglbítur segir frá sögu og staðháttum Eyjanna. Villi fer reyndar nokkuð frjálslega með staðreyndir en myndböndin eru engu að síður nokkuð skemmtileg. „Það er nú bara þannig, ef maður vill gera eitthvað vel, þá er eins gott að fá Vestmannaeying […]

Hægt að hlusta á Gufuna á netinu

Formleg útsending Gufunnar FM 104,7 hófst í morgun klukkan 8 þegar Sighvatur Jónsson, útvarpsstjóri tók fyrstu vaktina. Gufan er þjóðhátíðarútvarp Eyjamanna þar sem hitað er upp fyrir hátíðina miklu í Herjólfsdal. Eftir hádegi er það Bjarni Ólafur Guðmundsson, Daddi Diskó sem þenur flauelsraddböndin milli 13 og 17. (meira…)

Bjóða á út rekstur leikskólans Sóla

Á fundi bæjarstjórnar í gærkvöldi var samþykkt tillaga þess efnis að bjóða út rekstur á leikskólanum Sóla. Bæjarstjórn felur fræðslu- og menningarráði að annast útboðið en til að gæta sérstaklega að faglegum forsendum útboðs, beinir bæjarstjórn því til ráðsins að stofnaður verði sérstakur stýrihópur sem leiða skuli útboðið. (meira…)

Litríkir listamenn á leið til Eyja

Þeir kalla sig GRM, sem stendur að sjálfsögðu fyrir Gylfi, Rúnar og Megas. Þetta magnaða tríó kemur til Eyja í dagð og heldur tónleika í Höllinni í kvöld. Án nokkurs vafa er þetta hvalreki fyrir tónlistarunnendur. Ólíkir tónlistarmenn, ekki spurning, en allir hafa þeir notið mikilla vinsælda og eiga feiri tugi vinsælla laga, sem þeir […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.