Day: 7. september, 2011

Kári Steinn mætir í Vestmannaeyjahlaup

Einn besti hlaupari sem Íslendingar hafa átt, Kári Steinn Karlsson hefur ákveðið að taka þátt í Vestmannaeyjahlaupinu. Hann ætlar að hlaupa 21 km. en hann sigraði í sömu vegalengd í Reykjavíkurmaraþoni fyrir skömmu, fór á tímanum 1:05:35. Kári Steinn mun taka þátt í Berlínarmaraþoni eftir 2 vikur þar sem hann ætlar í heilt maraþon. (meira…)

Siglt í Landeyjahöfn í vetur

„Ef upp kemur sú staða að ekki sé hægt að halda uppi siglingum milli Vestmannaeyja og Landeyjahafnar vegna veðurs og sjólags með við­un­andi þjónustustigi verður farið yfir í að sigla alltaf fyrstu ferð til Þor­lákshafnar og síðan tvær ferðir seinni partinn til Landeyjahafnar eða eina ferð til Þorlákshafnar ef ófært er í Landeyjahöfn,“ segir í […]

Brimnes er nýja nafnið

Eins og greint var frá á dögunum er hljómsveitin Tríkot hætt en sveitin kvaddi með árlegri spilamennsku á Þjóðhátíðinni. Ný sveit hefur verið mynduð þar sem kjarninn úr Tríkot heldur áfram en Gísli Elíasson er nýr trymbill sveitarinnar. Nafnið var opinberað í dag á nýrri facebook síðu sveitarinnar. (meira…)

5×4 áskorunin í Eyjum 15. október

5×5 áskorunin verður í Eyjum 15. október næstkomandi en mótið er hluti af EAS þrekmótaröðinni. Mótið var fyrst haldið í Eyjum í fyrra og tókst afar vel og nú á að endurtaka leikinn og gera enn betur. Skráning í mótið hefst 15. september og lýkur níu dögum fyrir mót. Heyrst hefur að nokkrir Eyjamenn ætli […]

Stuðningsmannaspjall á Vinaminni Kaffihúsi

Vinaminni kaffihús ætlar að taka á móti stuðningsmönnum ÍBV á fimmtudaginn kl. 20:00. Þar gefst stuðningsmönnum ÍBV gott tækifæri á að ræða boltann í sumar og brýna sverðin fyrir lokabaráttuna í Pepsí deildinni. Heimir Hallgrímsson þjálfari liðsins verður með stutta framsögu. í kjölfarið gefst tækifæri til að ræða við leikmenn og aðra stuðningsmenn um næstu […]

Getraunastarfið af stað

Þá fer hópaleikur ÍBV getrauna að hefjast á ný, keppt verður með hefðbundnu sniði og hefst leikurinn 10. september 2011 og verður opið frá 11-13 þann dag. Vonumst við til að sjá sem flesta gamla og nýja tippara taka þátt í leiknum. Hægt er að senda skráningu og tipp á 1×2@ibv.is eða einfaldlega láta sjá […]

Rólegra við Kötlu

Dregið hefur úr skjálftavirkni í kringum Kötlu í nótt. Margir smáskjálftar voru í Mýrdalsjökli í gær og hefur skjálftavirkni verið þar síðustu daga. Rólegra hefur verið yfir svæðinu í nótt samkvæmt upplýsingum frá Veðurstofu Íslands. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.