Nýr Herjólfur er á leiðinni heim en lagt var af stað frá Póllandi í morgun. Áætlað er að siglingin heim taki um sex daga og því von á skipinu hingað í höfn næsta laugardag.
„Við gerum ráð fyrir að vera um sex sólarhringa á leiðinni. Það er stefnt að því að sigla honum inn til Vestmannaeyja laugardaginn 15. júní,“ sagði Guðbjartur í samtali við Eyjafréttir þegar samningurinn var loks undirritaður.
