Viðburðir

Lundaball framundan, þú vilt ekki missa af þessu.

Árshátíð Bjargveiðimannafélags Vestmannaeyja verður haldin í Höllinni, laugardaginn 28. september n.k.

Í ár halda Bjarnareyingar utan um dagskránna.

Ballið er öllum opið og því er tilvalið fyrir vinahópa, vinnustaði o.fl. að skella sér á ball ársins í Eyjum með lundakörlunum.

Glæsilegt villibráðahlaðborð að hætti Einsa kalda og hans fólks.

Hljómsveitin Brimnes heldur uppi eyjastemmningu.

Glæsilegt villibráðahlaðborð. Frábær skemmtiatriði. Rífandi úteyjastemmning. Allir velkomnir.

Matur, skemmtun og ball kr. 8.000,- / ball kr. 3.000,-

Nánar auglýst síðar.
LJÚFT VIÐ LIFUM.

Tónlistin á plötunni Tenging er samin á síðustu tveimur árum (2016 – 2018.) Á þessu tveggja ára tímabili kannaði ég ýmsa þætti hvað varðar tónlist og tónlistarsköpun. Má þar nefna flæði, frelsi, sjálfstraust og innsæi. Við lagasmíðina efldi ég tengingu mína við tónlist og leyfði innsæinu að ráða för í stað þess að stóla á fræðilega tónlistarþekkingu.

Ég hljóðritaði plötuna ásamt hæfileikaríku tónlistarfólki sem ég kynntist í Skandinavíu. Platan er því jafnframt eins konar tenging mín við Skandinavíu – en ég stundaði mastersnám í Osló, Gautaborg og Kaupmannahöfn. Platan er gefin út af norsku plötuútgáfunni Losen Records sem hefur m.a. gefið út tónlist eftir Anders Jormin, Per Mathisen og Hildegunn Øiseth sem eru þekkt nöfn innan norrænu tónlistarsenunnar.

Hljómsveitin fagnar útgáfu plötunnar laugardaginn 28. september með tónleikum í safnaðarheimili Vestmanneyjarkirkju kl. 20:30. Miðasala fer fram á staðnum eða hér: http://bit.ly/tenging-vestmanneyjar

Ingi Bjarni Skúlason (Ísland) – píanó og tónsmíðar
Merje Kägu (Eistland) – gítar
Jakob Eri Myhre (Noregur) – trompet
Daniel Andersson (Svíþjóð) – kontrabassi
Tore Ljøkelsøy (Noregur) – trommur

Losen Records: http://www.losenrecords.no/release/tenging
Nánari upplysingar: http://www.ingibjarni.com

Tónleikaferðin er styrkt af Menningarjóði FÍH og mennta- og menningarmálaráðuneyti, Tónlistarsjóði.

Hljómsveitin Áttatíu&fimm hefur undanfarið vakið athygli og lof fyrir frábæran flutning á tónlist meistara David Bowie.

Hljómsveitina skipa, Róbert Marshall, Þór Freysson, Hersir Sigurgeirsson, Gunz A La Tomma og Kristinn Gallagher.
Bandið hefur síðustu ár spilað rjómann af því besta frá áttunni en undanfarið einbeitt sér að tónlist Bowie. Hljómsveitin flytur á þriðja tug laga sem spanna stórkostlegan feril þessa magnaða tónlistarmanns, David Bowie.

Bowie aðdáendur og rokk-unnendur ættu alls ekki að láta þessa tónleika fara fram hjá sér.
Forsala í Tvistinum kr. 2500
Við hurð kr. 3000

KK og Gaukur verða á ferð um landið í haust.
Þeir munu spila úrval af lögum KK og aðrar hugljúfar dillandi melódíur. KK er landsmönnum kunnur en Gaukur er að hasla sér völl. Hann hefur m.a. verið að spila á munnhörpu með Kaleo undanfarið.

Með KK verður hann töluvert að spila slide gítar eða Hawaii gítar eins og það er líka kallað og raddar í bluegrass stíl. KK ætlar að vígja nýjan gítar á túrnum, forlátan Collings gítar frá Texas. Og allt verður þetta flutt gegnum 1 hljóðnema.

Þetta gæti orðið ansi skemmtilegt.

Buffið hefur verið frá byrjun ein vinsælasta ballhljómsveit landsins. Á þessum 20 árum hefur sveitin tekið þátt í sjónvarpsþáttum eins og Það var lagið, og Singing Bee. Gefið út fjórar breiðskífur ásamt fjölda laga á safnplötum. Sungið bakraddir á ýmsum stórtónleikum og spilað á öllum stærstu sviðum landsins.

Á þessum 20 árum hefur Buffið þó aldrei haldið tónleika með eigin efni, og er því við hæfi að gera það á afmælisárinu.

Á afmælistónleikum Buffsins munu meðlimir sveitarinnar fara í gegnum söguna í tónum og tali. Frá mörgu er að segja og má því búast við skemmtilegri kvöldstund með lögum Buffsins og öllum sögunum frá þessum 20 árum.

Meðlimir Buff á 20 ára afmælinu eru: 
Einar Þór Jóhannsson
Hannes Friðbjarnarson
Haraldur V. Sveinbjörnsson
Karl Olgeirsson
Pétur Örn Guðmundsson
og Stefán Örn Gunnlaugsson.